|*¨®¨*| خانه زمانه |*¨®¨*|

[هاجس نجد]

شيئا من عالمي الخاص .. واعذروني على رمزية الحروف


من لا وثق فيني ثقة في عماهـا=ما يستحق إني اضحـي عشانـه
صراحتي شمس النهـار وسناهـا=وكلن على ما قيل يعـرف مكانـه
قلته وانا نفسـي بعيـدن هواهـا=(خانه زمانه يوم غـره زمانـه)
والشاهد الله نيتـي مـن صفاهـا=ما فكرت تنهي الوصـل بالخيانـه
لكن زمان اهل الهوى من عناهـا=خيلن على وصله تقطّـع عنانـه
اقدار فينا ساريـة مـن عصاهـا=زلة لسانه مثـل كبـوة حصانـه
عيشة زماني عشتها مـن مداهـا=عرضن بطول وطول عرض بأمانه
ليمن بديت اعرف متى منتهاهـا=مبدا حياتي "يـا حيـاة الرزانـه"
امـا حيـاة بـعـز ولا بـلاهـا=الموت ابرك من حيـاة المهانـه
جملة خبرهـا ماحتـرم مبتداهـا=ردد عليهـا "دان ياليـل دانــه"
(نصيحتي) للـي يحـب وبغاهـا=خل الوفا يشّـر عليـك ابـبنانـه


وسلامتكم


محبكم / يوسف بن صالح

الشاعر العزيز / يوسف بن صالح
كفو يالذيب بيض الله وجهك
صح لسانك مليون ولا يكفون
قصيدة ممتازة وقفت عندها كثيراً
يعجبني هذا النمط من القصائد
التي تدل على الوفاء والطيبة
تقبل تحياتي وتقديري
أخــــوك
سعــد العبيـــد