الشيبان

[محمد علي القحطاني]

[مجلس مافيه ذكر الله على اصحابه قصوره
تـكـثـر الغيبه وعشاق النميمه لي هناها
مجلس مافيه شياب ينطفي في الوقت نوره
الشيوخ اهل الوقار اللي تنومسني لحاها
مجلس مافيه منهم من يسليني حضوره
وش لي بالمجلس اللي لجته تسمع صداها
ان قلطته مالقيت الا الصـغار من البزوره
ماتميز بالكلام ولاتميز في رغاها
والبيوت اللي بها الشـيبان تبقى ومعموره
نورها فيها يلالي والسعاده من وراها
لادخلت البيت لـ الشايب كما البدر وظهوره
فرحة<ن> ماتنوصف يامحلا لقاها
لا جزاء الله من يعاند شايبه ويمـل شـوره
وش يفيد من العقوق ودعوته يلقى جزاها
دعوة الشايب على حال الولد فيها خطوره
ماكنها الا طلقة<ن> من بندق اللي رماها
بعد هذا ياقصيدي كل جـيـل لـه عصوره
لوتسامرنا الليالي صبحها يلحق مساها
هاضني وقت<ن> تغير واسرع في مروره
وراحوا اشباه النجوم اللي تنور في سماها
والنهايه عد برق<ن> لاح يتسابق بكوره
ختمها صلو على الهادي كمل منتهاها