اقفيت واعطيتني كرسـوع

[الطامي]

ياحظي بعد ما اقفيت واعطيتني كرسـوع=أضنّ الفرج ياحـظ فـي ليلـة الجمعـه
وعيني على شوف الفرح من زمان تجوع=تبيّن مـن النظـرة وتجتاحهـا اللمعـه
ولا غير رب البيت يدري عن الموضـوع=ولوّ انّ بعض الناس يرمع لـه برمعـه
بنادم ضعيّف حيل غيـر الزمـان يـروع=وانا اقول مابه من ورى ايامنـا طمعـه
هموم البشر تالع وتطفى سوات شمـوع=وترى الوقت مثل النار ويولّـع الشمعـه
وترى الآدمي عنده بوقت القرار اطبـوع=ياليته ماحكّم قلبـه إليـا وقـف سمعـه
انا قابل اللي صار من كل شكـل ونـوع=ومشتاق لربوعـي ومشتـاق للجمعـه
ترى الكبد ماتطفى مادام إن حطبها ضلوع=وترى الحظ مثل السمعه إن قفّت السمعه
ترى الحظ لاقفى رجعته مثل حب الكـوع=ولو يضحك حجاجك ولو تنـزل الدمعـه
تغيب المصايب شهر ولا سنـه واسبـوع=ولكنّهـا لاجــات تاتـيـك مجتمـعـه محسن الغيثاني المري