مجارات ياطميش

[عذب القوافي]

أرسلت لي هذه الأبيات من أحد الأصدقاء عبرالبريد الإكتروني ولم يذكر إسم قائلها فبحثت في الشبكة فوجدتها للشاعر / بدربن ناصر السويط وقد حاولت مجاراتها آمل
القبول :


ياطميش



ياطميـش مـاودّك نحـرر فلسطيـن=ونثيـر فـي قلـب اليـهـود الجـزاعـه
نسطي عليهم مع قروم ٍ شياهين=وندبهـم دبـة سنـه بنصـف سـاعـه
ونـجـزرؤوس ملفقـيـن العنـاويـيـن=الأرض صـارت فـي يديهـم بضاعـه
ونوجّـه الجملـه علـى سـور برليـن=ونطبّـق أنــواع القـتـل والبشـاعـه
ونحتـل رومـا ونتعـدى المحيطـيـن=ونعيّـش الـغـرب بـعـذاب ومجـاعـه
وإن كان فينا نفس حيـه ونشطيـن=وفينا على ماقيل بعض الشجاعـه
ناخذ لنا صوله على الهند والصيـن=ونهـدم لهـم سـور ٍ كبـيـر إرتفـاعـه
الفلـم خلّـص وإنتـهـن المضامـيـن=نـار ٍ طفـت يـافـلان قـبـل إنـدلاعـه
حنـا عـرب مافيـه شـك ٍ مساكـيـن=نصنـع شمـوخ ٍ بالسوالـف صناعـه
فينا الولـد لا قـال يحكـم سلاطيـن=لسانه أطـول لا حكـى مـن ذراعـه
تبغى الحقيقه عاد مامن فلسطين=خلنـي أقيّـل ياولـد نـصـف سـاعـه




وهذه المجاراة المتواضعه





ياللي زهمت طميش جبت المضامين=شـاعـر وتجـلـب بالمـعـانـي بـضـاعـه
سقت الحكم سقت العبـر والبراهيـن=قـلـت الصحـيـح ومقتـنـع بــه قـنـاعـه
مليـار ساكـت ماوقـف مـع فلسطـيـن=وعـراقـنـا مـكـلـوم عـــاش المـجـاعـه
حتـى سـودان المـجـد لــدوه بالعـيـن=فـيـه المـعـادن حــددوا لـــه صـنـاعـه
ويـــن الـحـضـاره ياحـثـالـة مجنـانـيـن=والشخص منكم ماصحى ربـع ساعـه
ياطميـش أبشـر والليالـي تبـي تبيـن=واثــق وعـنـدي مــن إلـهــي قـنـاعـه
مـاتـضـيـق ألا تـنـفــرج يامـسـلـمـيـن=وعسـى الولـي ينـزل علينـا شجاعـه
بتصـيـر حــرب تنـذكـر داخـــل الـديــن=مـع اليهـود اللـي عـثـت فــي بقـاعـه
وش عــاد لــو زمّــر حثـالـة شياطـيـن=فيهـا المـرض سمـوه نقـص المنـاعـه
جـرف المسـاكـن لليـهـودي عنوانـيـن=وعـلـى الغدرتـقـول سـمـع ٍ وطـاعــه
لكـن بتشـرق ياعـرب شمـس حطيـن=ونـطــرد عـــدو الله فــــرد وجـمـاعــه




تقديري للجميع .