شامخ الهامه
13-01-2008, 03:56 PM
سر ياقلـم هـات المثايـل بـالاوزان = واحرص علاها واسرد القاف موزون
سـد الشفـا نقـاد خلـك كحـيـلان = أهل الأدب واهل الفصاحـات يقـرون
أمـا قروهـا واستقـرت فالاذهـان = والا قروها ثـم قالـو علـى الهـون
حقك عليّ امليـك مـن كـل مـازان = وحقي علاك انك تعالى عـن الهُـون
أن طعت شوري ياقلم جـاك هامـان = وأن قلت عاصي ياقلم جاك فرعـون
تغانـم الفرصـات صاحبـك طربـان = صدره من اللي يعتلج فيـه مشحـون
جتك الضمايـر كنهـا غـر الامـزان = تملا ولاتمنـع مـن الجـود ماعـون
رعادها جالـه مـن الـراس دنـدان = وبراقها يكشـف علـى كـل مدفـون
هاجـت وماجـت وانهمـا كـل ودان = مع درب وبله فزفز الـروض بفنـون
اشبّـه الطـاري بهدهـد سليـمـان = جا من سبأ جاب النبـأ وش يقولـون
واما القرايـح كنـز لولـو ومرجـان = ماكنّها الا من طـرف كنـز قـارون
بها بهـا عـلا علـى كـل وجـدان = سما سمـا أمرأمـر كـون ويكـون
عيني ترى مالا رأت بعـض الاعيـان = ولاخطر في قلب ساهي عـن الكـون
مال الحمـول الكايـده غـار ريمـان = ولا للعـوب الا طـواريـق لعـبـون
أبيّت الافكـار فـي كـاس الامعـان = وارقد قرير العين والكـاس مركـون
والصبح اجيها لابسه ثـوب الاتقـان = تفاعلت واستخرجـت كـل مضمـون
عشنا وشفنـا واتضـح كـل ماكـان = في سالـف الايـام غابـي ومكنـون
في مامضى جهـال واليـوم ضمّـان = فاضت مداركنا على شاسـع البـون
قامت تجاربنـا علـى كـل برهـان = من واقعٍ ملمـوس بقلـوب وعيـون
شفنا كسوف الشمس في صدر الانسان = شفته وكل النـاس مثلـي يشوفـون
لاعاد مـن يجحـد ولاعـاد نكـران = أولئك اللي مـن ورى الحـد عـادون
زيّن لهم سوء العمـل كـل شيطـان ومن طاوع الشيطان شيطان ملعـون
وشفنا ذبول الورد فـي كـل بستـان = اقفـو فلاليحـه ولاعـاد يسـقـون
وان قلت هذا ليش قالو مـن افـلان وان قلت ابا اسويه قيل انت مجنـون
قلت اسمعوني وافهمو قـدر الامكـان = هـذي امانـه عنـد رجـال مامـون
روح التسامح سـم قاتـل للاضغـان = قاضي محنك بيـن غابـن ومغبـون
وشفنا السراب المنتشر عبر الازمـان = وسيلـة الغايـات ناجـح ومضمـون
لو كان مايلحق علـى كبـد ضميـان = الـم تـرى فـي كـل وادٍ يهيمـون
وشفنا الغروس ومن غرسها والاطيان = علـي الامـل بالله الاجـواد يرجـون
وهل جـزى الاحسـان الا بالاحسـان = منهاجهـم مايختلـف ليـن يفـنـون
وتمخضت عنهـا الليالـي بـالادران = ماجابت الا شوك فـي راس عرجـون
جعل العوض للناس في كـل شامـان = موفي ديونه مامشـى يـوم مديـون
يجلا عن اصدور المغاليـل الاحـزان = ويوزع السلوى علـى كـل محـزون
هذا بعض من كل مـن راس ولسـان = يصـرف ويبقـى للمقابيـل مخـزون
بنـك المعـارف بالبنكنـوت مليـان = وش ينقص المليـار تسييـل مليـون
القصيدة لشاعر تركي بن علي العتيبي
سـد الشفـا نقـاد خلـك كحـيـلان = أهل الأدب واهل الفصاحـات يقـرون
أمـا قروهـا واستقـرت فالاذهـان = والا قروها ثـم قالـو علـى الهـون
حقك عليّ امليـك مـن كـل مـازان = وحقي علاك انك تعالى عـن الهُـون
أن طعت شوري ياقلم جـاك هامـان = وأن قلت عاصي ياقلم جاك فرعـون
تغانـم الفرصـات صاحبـك طربـان = صدره من اللي يعتلج فيـه مشحـون
جتك الضمايـر كنهـا غـر الامـزان = تملا ولاتمنـع مـن الجـود ماعـون
رعادها جالـه مـن الـراس دنـدان = وبراقها يكشـف علـى كـل مدفـون
هاجـت وماجـت وانهمـا كـل ودان = مع درب وبله فزفز الـروض بفنـون
اشبّـه الطـاري بهدهـد سليـمـان = جا من سبأ جاب النبـأ وش يقولـون
واما القرايـح كنـز لولـو ومرجـان = ماكنّها الا من طـرف كنـز قـارون
بها بهـا عـلا علـى كـل وجـدان = سما سمـا أمرأمـر كـون ويكـون
عيني ترى مالا رأت بعـض الاعيـان = ولاخطر في قلب ساهي عـن الكـون
مال الحمـول الكايـده غـار ريمـان = ولا للعـوب الا طـواريـق لعـبـون
أبيّت الافكـار فـي كـاس الامعـان = وارقد قرير العين والكـاس مركـون
والصبح اجيها لابسه ثـوب الاتقـان = تفاعلت واستخرجـت كـل مضمـون
عشنا وشفنـا واتضـح كـل ماكـان = في سالـف الايـام غابـي ومكنـون
في مامضى جهـال واليـوم ضمّـان = فاضت مداركنا على شاسـع البـون
قامت تجاربنـا علـى كـل برهـان = من واقعٍ ملمـوس بقلـوب وعيـون
شفنا كسوف الشمس في صدر الانسان = شفته وكل النـاس مثلـي يشوفـون
لاعاد مـن يجحـد ولاعـاد نكـران = أولئك اللي مـن ورى الحـد عـادون
زيّن لهم سوء العمـل كـل شيطـان ومن طاوع الشيطان شيطان ملعـون
وشفنا ذبول الورد فـي كـل بستـان = اقفـو فلاليحـه ولاعـاد يسـقـون
وان قلت هذا ليش قالو مـن افـلان وان قلت ابا اسويه قيل انت مجنـون
قلت اسمعوني وافهمو قـدر الامكـان = هـذي امانـه عنـد رجـال مامـون
روح التسامح سـم قاتـل للاضغـان = قاضي محنك بيـن غابـن ومغبـون
وشفنا السراب المنتشر عبر الازمـان = وسيلـة الغايـات ناجـح ومضمـون
لو كان مايلحق علـى كبـد ضميـان = الـم تـرى فـي كـل وادٍ يهيمـون
وشفنا الغروس ومن غرسها والاطيان = علـي الامـل بالله الاجـواد يرجـون
وهل جـزى الاحسـان الا بالاحسـان = منهاجهـم مايختلـف ليـن يفـنـون
وتمخضت عنهـا الليالـي بـالادران = ماجابت الا شوك فـي راس عرجـون
جعل العوض للناس في كـل شامـان = موفي ديونه مامشـى يـوم مديـون
يجلا عن اصدور المغاليـل الاحـزان = ويوزع السلوى علـى كـل محـزون
هذا بعض من كل مـن راس ولسـان = يصـرف ويبقـى للمقابيـل مخـزون
بنـك المعـارف بالبنكنـوت مليـان = وش ينقص المليـار تسييـل مليـون
القصيدة لشاعر تركي بن علي العتيبي