الشريف الشرّقي
25-02-2006, 10:10 PM
الشرقي :
يامانشدنا عنك لا غبت ياشيخ = واليوم أنا غايب ولا جبت طاري
عقبك تلتهنا وصرنا مصاليخ = ما حشته بيمناي راح بيساري
قلنا نصير من الرجال المطانيخ =واثر القرادة دايماً في انتظاري
شريت سهمي يوم سعره صواريخ=وطاح المؤشر وانقلبنا حباري
وخلاف ذا، ياراكبين المناويخ = ودوا السلام وبلغوهم قراري
للمندهش راعي الكرم والشماريخ= وايضا محب الفال راعي السفاري
وقولوا لهم يامتعبين الطبابيخ = وحده من الثنتين والكار كاري
أما على راسي اشوف المشاليخ= ولا على الصفحات ردوا اعتباري
أبو أنس :
أهلا هلا بك يازبون المطانيخ = أنت الشريف ولك مع الناس كاري
لاشك لك فقده ولك زود تاريخ= لو غـاب حرفك لك عظيم اعتباري
واللي مريح خاطري انك منيخ = بعدك مهوب بظرف منك اختياري
وكانك ركبت بقاذفات الصواريخ= د شيت ال سهم في فناها تبــاري
فانا اترقب شوفتك صايرن شيخ= والبشت فوق الكتف زري وخزاري
ومركوبكم مرسدس شغل الكواشيخ=مـاتركب النيسان لوهو سفـاري
والباب عنده سايقٍ من هل السيـخ= يفتح لك البيبـان للعـلم ضـاري
يومين والثالث سواة المصاليــخ =تركب عقب كشخاتها فوق قـاري
ياعل عقلك ماتجيه النفافيــــخ=يركد على ميلاتها والعـــزاري
وتسلم لدينك عن كثير التلافيــخ=هذا هو المكسب به اشهد نمــاري
الشرقي :
احرجتني ياصاحبي في كلامك = في ذمتي يابو أنس منتب رخيص
يكفي من الشرح المفصل سلامك=حيثه يرصص هاجس القلب ترصيص
من هرجكم قمت اتصور مقامك = مثل "الخلاص" وباقي الناس من شيص
الله يبيض وجه ابوك وعمامك =أنا اشهد انك من سلاليل قوانيص
مالوم فوهة في عظيم احترامك = من لايقدر حضرتك ياسعد نيص
وختامها.. الله يحقق مرامك =ويطول عمرك دون همٍ وتنغيص
أبو أنس :
انت العزيز وحشمتك من مقامك=وانت الذي لك مقعد ملك تخصيص
واحلى سلام خصني هوسلامك= حيثه لفــا بعد انقطاع وتنغيص
وان جيت مع فوهه يزين انضمامك=صارت شتات مقصد للقوانيص
والدار من سكانها عز شـــانـك= علمٍ يعرفه كل من عقله بخيص
يالمندهش حقٍ تقلـد وسـامــك =يوم الشريف بصفحتك مانتب رخيص
الشرقي :
حي الشتات اللي جمعني بالاحباب *** جمع قلوبٍ كانت العام نفيا
هنا..نجر الصوت من دون حِجّاب *** ولاعاد أبو"حرفٍ" ولا عاد "أفيا"
من ريشتك يابو أنس صحت اعجاب ***ومن حكمتك يالمندهش قلت:عفيا
و"المشرف" المزعوم مخطي وكذاب *** "طمس" حقيقة ماجرى واعترفيا
هي كلمتين وقلتها : تبر وتراب !! *** هذا عرف ..وأبا الفَلَس ماعرفيا
أبوأنس :
حياك ربـي ربنـا رب الاربــاب=حياك عند المندهش والف عفيـا
وانتا علامه بـارزه مثلـك شهـاب=نورك شهر يومه طفا وسط الافيا
ولو انغلق بابٍ فلـك نفتـح ابـواب= قدرك تـرى بقلوبنـا ماختلفيـا
ياساكنن في بلاد تغلـب والاحبـاب= عبر الأثير نصافحك منت نفيـا
وماخاف انامشرف ولااخاف حجاب= قلبي حديد وما خنع وارتجفيــا
مافيك حيلة يابوأنس .. لو على الـ w بترد:)
يامانشدنا عنك لا غبت ياشيخ = واليوم أنا غايب ولا جبت طاري
عقبك تلتهنا وصرنا مصاليخ = ما حشته بيمناي راح بيساري
قلنا نصير من الرجال المطانيخ =واثر القرادة دايماً في انتظاري
شريت سهمي يوم سعره صواريخ=وطاح المؤشر وانقلبنا حباري
وخلاف ذا، ياراكبين المناويخ = ودوا السلام وبلغوهم قراري
للمندهش راعي الكرم والشماريخ= وايضا محب الفال راعي السفاري
وقولوا لهم يامتعبين الطبابيخ = وحده من الثنتين والكار كاري
أما على راسي اشوف المشاليخ= ولا على الصفحات ردوا اعتباري
أبو أنس :
أهلا هلا بك يازبون المطانيخ = أنت الشريف ولك مع الناس كاري
لاشك لك فقده ولك زود تاريخ= لو غـاب حرفك لك عظيم اعتباري
واللي مريح خاطري انك منيخ = بعدك مهوب بظرف منك اختياري
وكانك ركبت بقاذفات الصواريخ= د شيت ال سهم في فناها تبــاري
فانا اترقب شوفتك صايرن شيخ= والبشت فوق الكتف زري وخزاري
ومركوبكم مرسدس شغل الكواشيخ=مـاتركب النيسان لوهو سفـاري
والباب عنده سايقٍ من هل السيـخ= يفتح لك البيبـان للعـلم ضـاري
يومين والثالث سواة المصاليــخ =تركب عقب كشخاتها فوق قـاري
ياعل عقلك ماتجيه النفافيــــخ=يركد على ميلاتها والعـــزاري
وتسلم لدينك عن كثير التلافيــخ=هذا هو المكسب به اشهد نمــاري
الشرقي :
احرجتني ياصاحبي في كلامك = في ذمتي يابو أنس منتب رخيص
يكفي من الشرح المفصل سلامك=حيثه يرصص هاجس القلب ترصيص
من هرجكم قمت اتصور مقامك = مثل "الخلاص" وباقي الناس من شيص
الله يبيض وجه ابوك وعمامك =أنا اشهد انك من سلاليل قوانيص
مالوم فوهة في عظيم احترامك = من لايقدر حضرتك ياسعد نيص
وختامها.. الله يحقق مرامك =ويطول عمرك دون همٍ وتنغيص
أبو أنس :
انت العزيز وحشمتك من مقامك=وانت الذي لك مقعد ملك تخصيص
واحلى سلام خصني هوسلامك= حيثه لفــا بعد انقطاع وتنغيص
وان جيت مع فوهه يزين انضمامك=صارت شتات مقصد للقوانيص
والدار من سكانها عز شـــانـك= علمٍ يعرفه كل من عقله بخيص
يالمندهش حقٍ تقلـد وسـامــك =يوم الشريف بصفحتك مانتب رخيص
الشرقي :
حي الشتات اللي جمعني بالاحباب *** جمع قلوبٍ كانت العام نفيا
هنا..نجر الصوت من دون حِجّاب *** ولاعاد أبو"حرفٍ" ولا عاد "أفيا"
من ريشتك يابو أنس صحت اعجاب ***ومن حكمتك يالمندهش قلت:عفيا
و"المشرف" المزعوم مخطي وكذاب *** "طمس" حقيقة ماجرى واعترفيا
هي كلمتين وقلتها : تبر وتراب !! *** هذا عرف ..وأبا الفَلَس ماعرفيا
أبوأنس :
حياك ربـي ربنـا رب الاربــاب=حياك عند المندهش والف عفيـا
وانتا علامه بـارزه مثلـك شهـاب=نورك شهر يومه طفا وسط الافيا
ولو انغلق بابٍ فلـك نفتـح ابـواب= قدرك تـرى بقلوبنـا ماختلفيـا
ياساكنن في بلاد تغلـب والاحبـاب= عبر الأثير نصافحك منت نفيـا
وماخاف انامشرف ولااخاف حجاب= قلبي حديد وما خنع وارتجفيــا
مافيك حيلة يابوأنس .. لو على الـ w بترد:)