من عقد حبال الجفا .. ماحلها

[هترل]

السلام عليكم ورحمه الله وبركاته



بدون مقدمات اقبلوها كما هي ..





لا يضـيـق صــدرك يارفـيـقـي فـلـهـا=وسابـر العالـم ولا تشـكـي الـظـروف
الـشـجــره الــلــي مـايـفـيـدك ظـلـهــا =جنـب ولا يلحقـك يالـوافـي حـسـوف
دارٍ تـــعــــداهــــا ودار احــتـــلـــهـــا=مـاكـل بـيـتٍ حـولـه الـعـالـم تـطــوف
مـن لا حشـم نفسـه سعـى فـي ذلـهـا=مهمـا يحـاول ذلـهـا يبـقـى مـعـروف
ســـود الـقـلــوب ولا يــبــرد غـلـهــا=لو كـان خضبـت الاصابـع والكفـوف
مــن عـقـد حـبـال الجـفـا مـــا حـلـهـا=مـا للوفـا عقـب الجفـا قـلـبٍ لـهـوف
نــعــرف دروب الـمـرجـلـه ونـدلـهــا=ولا نجهل حقوق النشاما والضيـوف
ومــن ســل سيـفـه سيوفـنـا بنسلـهـا=ويبشر بها في النحر او بين الكتوف