شايف شي غريب

[كظيم]

شايف ٍ شي ٍ غريب فوق عيني والهدب=صاحي مجنون الخبر جمر صاروخ اندفاع
ضايع ٍ والله العظيم سامعه بقلب المحب=حاير ٍ صوته قديم بس من خلفه قناع
برق نوره من بعيد في مدارتي ضرب=اعلى قمه في الوجود نارها قيد الدفاع
إنتهى صوت الرعد والمطر همسة عتب=انتهى عمر الربيع واشتكى نزف اليراع
ابتدى وقت الرحيل والكتابه والكتب=انطبع حبر العيون داخل اوراقي صراع
جفت افكار الوصال بيننا نار الغضب=لا ابتديتك في حروف سالفة عشق انصياع
مثلنا مثل الجموع ساكته بوقت الخطب=سارحه بفكر الخطيب يرمي بسم القلاع
ينشد العالم تعيش تحت نيران اللهب=ينفث الشر بسياط كل حاضر له سماع
شخصي ماحب القيود اطلق الفكره غصب=لو اقضيها هناك خلف قضبان الضياع
داخلي قلب ٍ عنيد عايش ٍ لجلك حرب=إن نهيته ماقويت زاد في نبضه اتساع
انتشر حبك وصال كنّـه بجوفي سكب=ذرة الطاعه بولاء لك وغيرك ما يطاع
ذا وانا كلي حزن للكتابه والتعب=رامي احزان الزمان للسفينه والشراع
تايه بصحراء اصيح مابقى فيني طرب=انشلع صوت الوتر من حناجرنا تباع
كل انغامي بثمن والثمن منك الكذب=تحرقي النوته جمل ترسميها بالخداع
السكرجي لافقد مافقد حب ٍ يشب=في تعاميره خيال دمع مع دم الشعاع
فوق غيمه مانزل حايز ٍ اعلى الرتب=هذا بطران اعتلى عانق القمه اتباع
بس عشقه للأسف ضالم ٍ يا ماشرب=من عروقه خمر دم يسكر بحب المطاع
ينسدل خلفه غروب يحتويني واقترب=يرقى وارقى للبعيد كاسنا معنا انتفاع
يشتعل معنى الرحيل والقضيه ياعرب=تصرخ بجوفي جمل مانقشته بالذراع
ماذبحته بالفكر كل حرف ٍ ينكتب=يتبعه همس العيون في محطاتي يذاع
يبتدي ماينتهي سيل واقداري عجب=صيف قاتل للربيع في نهايات الوداع