السويلم & الطائر&هترل& الشويمان

[هترل]

السويلم=
تكفون ياهل الشات نادولي العود = ابيه كلمه راس بيني وبينه
انا ادري انه ماوراء العود من فود = لكن ودي انخس اليوم عينه
الطاير=
العود وصلك طايرٍ مثل جلمود = ناوي يشوتك يم اهل المدينه
عزالله انك صرت لاجاك مقرود = انحش تراهو مايعرف الرطينه
مهوب يعرف لاسعيد ولا سعود = ينفضك مع علباك لو هي متينه
كالذيب لامنه خبط راس مفرود = ينوخ ودمه سايحٍ ف الدقينه
هترل=
يالعود زود النقص وانقص من الزود = جاك الهمام اللي بيوته ثمينه
خل الوفاء مابيننا دوم موجود = وابعد عن هروج الجفاء والضغينه
الطاير=
بعض الهرج ياخوك عيبٍ ومنقود= لاحارش الظبي الاسد في عرينه
فابعد تراه احسن ولا عمرك تعود = ماودي ابطش بك واحولك طينه
هترل=
تبغا الصراحه انت واحد من السود= يعني خراطك ياجودي عارفينه
قايل لك اني فارسٍ ماله حدود = واللي معاديني عسى الله يعينه
الطاير=
شنٍ توافق مع طبق وعد وعهود= مايدرو عن عنتر لاخذهم رهينه
السويلم=
يالله عسى ياكلك في سطحك الدود =ياكلك ما يبقى لنا منك عينه
عندي عليك عقود واوراق وشهود = انك خوي بليس ولا عوينه
الشويمان=
سلام ياللي بينكم نار بارود = كلن يشيل مقمعه في يمينه
الحرب قامت بينكم تنتف جلود = الله يبعد شركم لا يجينه
الطاير=
معي السنافي لا وصل تسمع رعود = ابو بدر سلطان وادري يقينه
برقٍ ليا شعلل حرق كل نمرود= ما عاش من لا قاه ميت في حينه
هترل=
ونعم فيك وفيه بنقال وهنود= خله يسارك وانت خلك يمينه
حنا هل الطولات وانتم ألاخدود = يشهد لنا التاريخ ياقاريينه
الشويمان=
اهدو وحطو سلاحكم لايجي زود= ولاترى نرسل صواريخ شينه
انتم على الطاير كماحره كبود= ولا تامنون اللي يجي من كمينه
الطاير=
ابو بدر لارسل صواريخ ماتعود= تفتك بكم ياهل العقول الثخينه
هترل=
اسمع كلامك وابتسم لك ياعبود= موتر مقربع دون قير ومكينه
يلعب عليك العود باوهام وعقود= بينك وبينه حلف ريه وسكينه
الطاير=
ابو بدر حلحيل ثابت كما الطود= ماكل عاصف يحركه من كنينه
ماهوب داري عن نسانيس وقرود = ولا من ضرب يوجع فحذرا تهينه
هترل=
اثنينكم قعدان صاهد وصاهود= لامن رطن لك فانت فاهم رطينه
نويت اربطكم يالاثنين في عود= وانقلكم من المزرعه للعيينه
الشويمان=
جتكم صواريخي على الروس ياجنود = تعجن بكم من خلف عجن العجينه
ياهترل المقرود وخر عن العود= لاتضربه من فوق راسه وعينه
هترل=
خلاص مفتاح الامل صار مفقود= رحتو وطي ياراكبين السفينه
الشويمان=
وقل للسويلم في شقاوته لا يعود= ولا ترى بنرحله يم لينه
هترل=
ولد السويلم لا بغا يهدم حيود = فاحذر يصيدك وانت وسط الكبينه
الشويمان
لو جاء وانا غارق بنومي لي جنود = جنن على هجنن ندك بجرينه
هترل=
هذا كلامك والبشر حولك شهود = مبدع ولكن علمكم خابرينه