الطيب من تلقا هل الطيب تلقاه

[سعود بن سنيد]

اهداء الى الشاعرالكبير سحيم ابومحمد

تحية الاسلام مني مثناه = تثنى على اهل المله الحنبليه

من هاجس طرقه ووزنه ومعناه = على الحن والمفردات القويه

والى حتما طاروق سميت بالله = بسمه وصلى الله على نبيه

واجمع من ازكى الورد واطيبه واحلاه = يهداء على هل الطيب مني هديه

واقلط مقاليط الرجال المسماه = على شرف مكارم حاتميه

يقوله اللي يلحق الصوت لاقصاه = وانا سعود بن سنيد الدعيه

صبي يرزه سيف جده وشلفاه = ومقدم حسنه ودفاع سيه

لي واجب عندالرياجيل وابغاه = ولانسيت الواجب اللي عليه

والطيب من تلقا هل الطيب تلقاه = تلقاه عند سحيم راعي الحميه

ابومحمد ياعسى اللا ش يفداه = استاذ شعروموهبه عالميه

قصايده متميزه من مزاياه = راعي البيوت ام الظلال الذريه

من قد وزاى في سدها ماحد جاه = حتى لوان طلابته صيرميه

هاذي مزايا اهل الطروق المخلاه = واهل المهارالقرح اليعربيه

واهل السيوف اللي نهارالملاقاه = ماتشرب الامن حياض المنيه

واذم ماقلل وجاهت هل الجاه = والمدح ماطول وجيه رديه

وانا الى جريت صوتي من قصاه = في خاطري من هاجس العصر كيه