جيتك كذاواضح

[بنت النور]

جيتك كذا واضح

الله بلاني في غلاك وهويتك..ياساحرن قلبي قبل لحظة الشوف
ليتك تعيش ظروف شاعر وليتك..على إبراهيم تحن وتروق وتروف
مافيه لحظة ياوليفي نسيتك..دايم مرافقني وبالشوق محفوف
كم ليلتن فيها حبيبي نويتك.. أشتقتلك بالحيل والقلب ملهوف
ضيعت نفسي بس يكفي لقيتك..ويكفيني أن مالك مع العالم وصوف
وأنا بكل احساس فيني فديتك..وأعرف ترا مابين الاحباب معروف
لاتسئل المشتاق وشلون جيتك..جيتك كذا واضح وبين ومكشوف
يالشوق لك مشتاق لو ماقويتك..شوق الغلا واحيان يجتاحه الخوف
وكان أتصالك منعدم لابغيتك..ورسايل الاحباب من دون مظروف
إيميلي اليّ في خاص وعطيتك..عليه راسل صاحبك ساكن الجوف



الشاعر/ إبراهيم بن غضيان الشراري