بنت النور
31-10-2012, 10:39 AM
ليلة العيد
ياقلب ماترد البعيد التناهيد=واليّ ترك وراح حاول تناسه
الى متى وهموم حبه مواريد=عليك وأنت اليّ تعيش التعاسه
ياقلب والله لو نعيته فلا يفيد=أعرفك لو تضحك تجيك أنتكاسه
لذا ياقلبي ليه بهمومك تزيد=وأنت الذي قادر تعيش الوناسه
تعيش هم وضيق بال وتناكيد=وأنت الذي تقوى القهر واحتباسه
أدري غلا الغالي بليا شواهيد=خضار وردك هو سبايب يباسه
حبيته بصدق ووفاء حب تمجيد=وأقفى ولا أعطاك الخبر من أساسه
يمكن يواجه سيد الاحباب تهديد=ويمكن عليه مشددين الحراسه
طال الغياب ولا.للآمال تغريد=وقلبي شقى دنياه أصبح لباسه
كلن يعايد صاحبه ليلة العيد=وأنا حبيبي غاب ياقو باسه
الشاعر ابراهيم غضيان الشراري
ياقلب ماترد البعيد التناهيد=واليّ ترك وراح حاول تناسه
الى متى وهموم حبه مواريد=عليك وأنت اليّ تعيش التعاسه
ياقلب والله لو نعيته فلا يفيد=أعرفك لو تضحك تجيك أنتكاسه
لذا ياقلبي ليه بهمومك تزيد=وأنت الذي قادر تعيش الوناسه
تعيش هم وضيق بال وتناكيد=وأنت الذي تقوى القهر واحتباسه
أدري غلا الغالي بليا شواهيد=خضار وردك هو سبايب يباسه
حبيته بصدق ووفاء حب تمجيد=وأقفى ولا أعطاك الخبر من أساسه
يمكن يواجه سيد الاحباب تهديد=ويمكن عليه مشددين الحراسه
طال الغياب ولا.للآمال تغريد=وقلبي شقى دنياه أصبح لباسه
كلن يعايد صاحبه ليلة العيد=وأنا حبيبي غاب ياقو باسه
الشاعر ابراهيم غضيان الشراري