لويحان

[الطائر المهاجر]

شفت لي جادل منها فوادي سقيم=من غزايز هل العادات قبل الكمام
ناطحتني عصير اليوم حول الحطيم=بين زمزم وركن الملتزم والمقام
الملابس نعيمة فوق جسم نعيم=كن في لبته مخراج بدر التمام
عود موز يهزه مستقيم النسيم=ناركم يازريف الطول برد وسلام
أعطبتني وانا من قبل هذا سليم=داخلٍ الحرم عابد ولا لي مرام
الحرم في ما يذبح جريم لجريم=كيف ما تمنع الفعال يابن الامام
كان ما تنصر المظلوم فالله كريم=ينتصف لي بحقي وآخذه بالتمام
أنت مثلك مجرب والمجرب حكيم=مايلوم المولع في طريق الغرام