حميدان الشويعر

[الطائر المهاجر]

انــا ابوصيـكـم يــا الذهـنـا = عـن نطـحـة قــوم بتحـيـه
اخـفـرهـم ثـــم انـهـرهـم = قـبــل يفـاجـونـك بالـهـيـه
انشدهم عن خمسة مدوا = امـــس مـــدوا بـالـمـاريـه
لـو تنظـرهـم عـنـد الـمـده= واحـدهـم يـنـطـح الـمـيـه
كـل ينصـب يــوري طيـبـه= عنـد المزيونـه المسرديـه
ساعـة جينـا عـنـد الـقـاره= جــانــا رجـلـيــن حـربـيــه
مـا معـهـم تـفـاق يـرمـي = راعـي مشـعـاب وجونـيـه
منهم المطـوع شـد الباقـر = يقـول مـا لــي عنـهـا نـيـه
ضربـوا المطـوع بمحـجـان= بشـتـه مـصـبـوغ بـدمـيـه
وراعي المقـرون عبيـدالله = والله مـا يسـوى شاهـيـه
وحـويــدر قـفــا مـنـحـاش = يـدلـونـه دلـــي الجـلـديـه
و وهيـب قفـا مـن شــرق = يشـبـه الـربــدا المـرمـيـه
والخامس رجل مـا اعرفـه= اقفـا يـرمـي مــن حـدريـه

مدوا:سافروا للتجاره او غيرها كجلب التمر.
الماريه: العلام
القاره: قارة الطيري المشهوره والمعروفه قرب وثيثيا
تفاق: صاحب تفق وهي البندقيه
جونيه:عصا غليظه
الباقر: البقر
المحجان: خشبه من الشجر بها فرع ناتئ تعلق فيه الاشياء
بدميه:بدمائه
ووهيب: الشيخ المجدد رحمة الله عليه محمدبن عبدالوهاب
الربدا: الحبارى

والخامس رجل ماعرفه @ اقفا يرمي من حدريه

يظهر ان حميدان نفسه هو الخامس

وجزم بذلك خالد الفرج