عبير بنت احمد

[الطائر المهاجر]

عبير بنت أحمد شاعرة متمكنة ، زاملتها في بعض المنتديات ، من الشاعرات الكبيرات اللاتي يتسمن بالرزانة
والأخلاق العالية

1-
يا ولد أوَّل جروحي إسْـتِجَـد
…………….. طِبّك المجروح داوَه يا ولد

يا ولد وين الذي صوته رعـَد
…………….. يبْرق بنظرة عيونه يا ولد

يا ولد قلبي جـِمَع حزن و نكد
…………….. وامتلى بالهمّ بعـْدك يا ولد

يا ولد دمعي على عيني رمـَد
…………….. والكحل يغسِل جفوني يا ولد

يا ولد ثوبي أشوف إنـّه لـَحَد
…………….. والقبر عقبك سريري يا ولد

يا ولد كنـِّي فقير ٍ و انجـَلد
…………….. إجتمع موجوع وعاشق يا ولد

يا ولد و اللـه ما قلت لأحـَد
…………….. ما شكيت لغير ربِّي يا ولد

يا ولد لو صِنت ما صان العهَد
…………….. سافرَت عنِّي عهودي يا ولد

يا ولد ما جاك مِنـِّي ما يعـَد
…………….. في فؤادي زود باقي يا ولد

يا ولد غيرك فلا قام و قـعَـد
…………….. لا و لا حسِّيت فيهم يا ولد

يا ولد والليل إلى منـّه رقـَد
…………….. شافتك عيني بحِلمه يا ولد

يا ولد والطير عندي لو نشد
…………….. تسمع الآذان صوتك يا ولد

يا ولد حِبـّك جنونه ما ركـَد
…………….. ينهبل لا شاف إسمك يا ولد

يا ولد ما عِدْت أبخص بالعدد
…………….. أجمع الأعداد بـِيـْدي يا ولد

يا ولد سرحان عقلي لىْ سجد
…………….. يذكر الركعة نساها يا ولد

يا ولد غرْبَلـْك ربـِّي يا ولد
…………….. وش بلاني فيك تكفى يا ولد

يا ولد أوّل جنوني إستِـجَد
…………….. يا ولد لا عاد طِبـّك يا ولد



تـريـد الحب وللاّ مـا تريده
.................... مَرَدّك له بلا شرْع وعقيده

غصِب يفرض على الدنيا وجوده
.................... لو إنـّك قاسي ٍ مثل الحديده

تحاول تِخفي الأشواق عينك
.................... و نار الشوق في قلبك تزيده

يصير المرّ في طعمه حلاوة
.................... و تِحلى به مـآسي فالجريده

علامك تبتئس والصَّدْرِ ضايق
.................... و رسول الحِب يرسل لك بريده !

سهام العِشْق ما تخطي هدَفها
.................... تصيد اللي رصاصه ما يصيده

يطيح بْها القوي من دون رايه
.................... طعون الحبّ وإنْ لانت شديده

تعوّدنا نكـَذِّب في المعاني
.................... نكابر في مشاعرنا العنيده

تعودّنا نقول الحِب (كلمة)
.................... يَعَرف الحب من يكتب قصيده

ولو إنَّ العِشِق أوَّل شقانا
.................... يلـوّعـنا و لكـِنـّا نعيده

هوانا اللي يعذِّبنا و لكن
..................... مصير الهمّ يسقينا وريده

لهالعِشـّاق بأكتبهـا مشاعر
...................... يدوم الشِّعْر ما يِبلى جديده



ياهبايب نجد هِبِّي و املي الخافق هَبوب
........... جدِّدي فيني حياتي و اربِطي حبل الوصال

ما هقيت إنّ المشاعر تِنحسب شعرٍ كذوب
........... طـالما الإحساس باقي لو هي أحلام و خيال

يوم جيت أمشي طريقي بأتِّجِه نحْوَ الجنوب
........... إلْتِفَتّ إثـْر الحظوظ الغــالـية تمشي شمال

بس متى أشوفك بعيني لابس ٍ بشتٍ وثوب
........... وألمح الفَرحة بوجهك فوقـَها غترَه ْو عقال

قلت لو ترحل سنينك ما حدٍ عنِّك ينوب
........... قلتها لك مرّتين و قلتها يا ابنَ الحلال

ليتِني من حِبِّك اخلَصْ وارجَع لنفسي واتوب
........... البلا لا قلت بأبعد ، نادِتِك عيني : تعال

من شَعَر راسي لحَتّى أخمَص أقدامي ذنوب
........... و الصَّبر تكفير للّي شايل همومه ثقال

أطلب المعبود ربِّي من هو له تِخشع قلوب
........... يِغفر ْذنوبي و يِبْعِدني عن الدَّرب الضلال

ربِّ زوِّدني طِهر يَصْفِي به القلب المشوب
........... و يرطِّب لساني ذِكِر و يدوم ملبوسي جِلال



ما ذقت للراحة طعم ، من عقب هذاك الزعل

............ إكذب و قل لي يالغلا ، إنك على قلبي رضيت !

ليتك تحسّ بهالألم ، لا مِن سَلَب منيّ الأمل

............ ما ظنّتي باقي عطا ، بقدر عليه وما عطيت !

البارحة جاني نغم ، يقطع مواويل الملل

............ في نغمته يبكي بكا ، يومه بكى عندي .. بكيت !

أشكي سواتك للنجم ، وأشوفه بعيني : نزل !!!

............ ومن شافِني وسط الملا ، كنّي أبد ما قد شكيت !

إنّي أحبك إي نعم ، ما قلتها قصدي خجل !

............ ياكيف تجزاني جفا ، إرحم طعون اللي جفيت !

ما قلت أبي منّك وهم ، يكفيني ما جاني علل

............ أبيك بسْ إن جا وفا ، تذكر بأنّي لك وفيت ..!!!



هلّي يا عيني بالدَّمع إبكي و زيدي
…………….. إبكي دموعك همّ كل ماله يزيد

خلّي القوافي بالعَتب تنظِم قصيدي
…………….. دمع العتاب يزين به نظم القصيد

ما ضرّني لو زاد بي جرح ٍ جديدي
…………….. بس وين أجيب لهالجَرِح نزفٍ جديد ؟!

إخترت ملبوس الحِزِن ثوب ٍ لعيدي
…………….. واختارني لِـبْس الشـقا جـِـسـْم ٍ لعيد

خلّيت شيخي "حظي المقرود" سيدي
…………….. يا قِرْد منهو للبـَخـَت شيخ ٍ و سيد!!

ما كنت أعَرف إنّ الهنا مَرّ بْوريدي
…………….. حتى قطعت-من الأسى- حبل الوريد !

لازمني التمثيل عند الناس قيدي
…………….. من شال همّ الناس ملزوم ٍ بــِـقيد

سَجـّيت مع من سجّ وافكاري تحيدي
…………….. وإن سجّت الأفكار.. هوجاسي يحيد

خبْري منـّول (حلمي الطاهر) بإيـدي
…………….. اليوم أشوفه صار من إيـدٍ في إيـد !!

ياللي تِظِنـّي سالي ٍ مثلك سعيدي
…………….. بالله وش معنــاتها كلمة : سعيد ؟

بـَسـِّك بكا يا عين كافي لا تزيدي
…………….. جفّ الدمع و الهم، كل ماله يزيد

تعب هالقلب من همّي تعب من طرفي الساهر
.................. تعب من غربته حتى ولو هو بين أصحابه

وسعْت بصدري أحزاني و ضاقت بي سما الحاضر
.................. وش أردى من سواة القلب لا مِن ضاق بأحبابه ؟

( مفارق ).. أقرب هموم ٍ بقلبي مالها آخر
.................. واظن انّ الفراق أهون ( وصال ٍ غابت أسبابه )

أنا وإنْ غبت مـا غابت حروفي باسمي تفاخر
.................. نقشـْت إسمي على كفَّ القمر وْ زيـَّن خضابه

أنا اللي لا نويت أكتب يفزّ الشـِّعر لي صاغر
.................. يبي يحظى بأبيات ٍ تشرِّف فهرس كتابه

ذبحني حِـرّ هالفرقا كأنـِّي حرمة ٍ عاقر
.................. تِشـَفـَّـق لو تشوف الطفل بين يدينه ألعابه

أحب اللي يبي وصلي و حَزَّن يوم أناآسافر
.................. يعاف العيد من دوني و حارَ الدمع بأهدابه

تعبَّر وجهه بعبرة يتيم ٍ يكسِر الخاطر
.................. ويطوي عمره إهمال ٍ يطول الوقت ما عابه

أنا برجع لكم مابي ورود ٍ ترضي القاصر
.................. ولا عطر وْ مفارش حُمْر أو حفلات صَخـَّابه

أنا برجع أبي ألقى قلوب ٍ تعكس الظاهر
.................. أبي لا من رجعت ألثِم زوايا البيت و ترابه

أنا برجع لمن ظلـّوا نشامى و الوفا نادر
.................. لِـوقت الحزن و الأفراح كل ٍ شـَرَّع أبوابه

أنا برجع لكم باكر ..و حتى لو بطى باكر
.................. مَـرَدّ الشمل في يوم ٍ يعود الطير لأسرابه




تِسلـّى في حلال ٍ ما شريته

.................... تِجـَمّل بالغدر طبع الرذايل

تِطمّن كل جرح ٍ لك وطيته

.................... لأجل عيني ترى تِكرم قبايل

و ذا وجهي إلى منـّك نسيته

.................... تِذكـَّر هـالبَدر بين الجدايل

حسافه فيك وقت ٍ قد قضيته

.................... أعدِّل فالبـنا و السـّاس مايل

بريق الشوق في عيني طفيته

.................... وبَرثي في النعي أردى الشمايل

و خذ منـِّي قصِر ود ٍ بنيته

.................... عزيزة ْ نفسْ أنا بنت الحمايل

مَاعادت تنفعك ليته و ليته

.................... و لا تقـدر على رَدّ الجمايل

عليك القلب ما يوم ٍ عصيته

.................... وكاد الحِبّ منـْه اليوم زايل




ودّعت هم ٍ يومه فعمري شهر
……… و الشهْر رَحَّب في همومي واحتفى

هم ٍ كساني هم به ضاق الصدر
……. و هم ٍ يهلـِّي بــالجديد الـلي لـفا

كان العسل يوم ٍ شفى مرضى البشر
……. هذا مريض الهمّ عمره ما شفى؟!

أضحك وانا قلبي تجرّع بالقهر
……. وابكي بدمع ٍ في وسط عيني خفى

أبرَد و تجْـمَد عبرتي عند الجمر
……. واستعذبِ الآهــات في برد الدفا

ماللسهر داعي إذا غاب القمر
……. مير إنْ غَفَت عيني عذابي ما غفى

مصباح أحلامي تحـَطـَّم وانكسر
……… و سراج أحزاني ولا مرّه طفى !؟

ياما عطيت الحظّ من إسمي عطر
………. يقطع حظوظ ٍ ما بها ريحة وفا !!

لا مِن سِكـَـنـِّي الهمّ وش باقي عمر
……. لا مِن تساوى العام مع لحظة جفا ؟

لا العمْر يكفيني ولا فيني صبر
……. قلت أكتب الأحزان بالحِبْر .. و كفى




كنت أنا و صديقتي ضُحى بنت عبدالرحمن .. نتحادث ذات يوم ...

فعرضَت عليّ بيتاً و تساءلت إن كان يصلح مطلعاً لقصيدة ...

" حس فيني !! حس في قلبي الجريح *** اللي يطحنه الحزن طحن الرحى "



قلت ‘ لمَ لا ؟! و من باب التنافس طلبَـت مني تكملة القصيدة بعشرة أبيات بينما تقوم هي بتكملتها بدورها كلا منـّا على إنفراد ... و من ثم أنشرها لها في شعبيات حيث أن ظروفها في الوقت الحالي لا تسمح لها بالتسجيل ولكنها من المعجبات بالكثير من الشعراء و الشاعرات هنا ...

و هاأنا ألبّي رغبتها ...

أتمنى أن تحوز الفكرة على إستحسانكم و المعذرة على القصور ...

. ..ــــ

حس فيني .. حس في قلبي الجريح *** اللي يطحنه الحزن طحن الرحى

وحس فـ عيون ٍ من اسبابك تصيح *** والبلا ان صياحها ماينوحى

كيف انوم الليل ؟ قلي واستريح *** وانا اهوجس فيك لين اتلى الضحى

وكيف يهنا البال والخافق يريح ؟ *** ولاغفى بي جرح ٍ الثاني صحى

يوم حبّيتك نبت في القلب شيح *** وزاح عنـّه كل حبٍّ وانتحى

وصار وجهي عن سوى وجهك يشيح *** وكل اسم ٍ غير إسمك انمحى

ايه احبك ! لو يجي ذبح وذبيح *** يابعد من حطّ شارب .. والتحى

ايه احبك واعترف وابصم وابيح *** انك أنت اللي ملَك خافق ضُحى

لاتقولون استحي ! هذا الصحيح *** الهوى والدين مابه مستحى

الهوى من جربه لازم يطيح *** وانشدوا أهل الذوايب و اللحى

لاتـَعـَذلوني انا قلبي جريح *** يطحنه حزنه مثل طحن الرحى


ضـُحى بنت عبدالرحمن

~~~~~~~~~~~~~~~~~~~~

حس فيني !! حس في قلبي الجريح *** اللي يطحـنـْه الحزن طحن الرحى

لو تناظر شفت به هم ٍ صريح *** طـَقّ مسماره كما طـقـّه جحا

كل ما هوجسْت بك قـَرَّب يصيح *** وامطرَ العبرات دمع ٍ ماستحى

إلتِـبَس صوته من البَحـّه فحيح *** واعتزل هالناس زِهـْد ٍ وإلْـتحى

عاث به همـّي لدمّه مستبيح *** طاعن ٍ وسطه شرايين اجْـرَحى

واثق الخطوة إلى شافك يطيح *** و من تحَـلَّـم فيك عمره ما صحى

واهَني من كان قلبه مستريح *** نايم ٍ ليله و يلْحِـقـْه الضحى

وش طلبتي غير شعر ٍ فالمليح ؟ *** إنكويت بنار حبه يا ضُحى

صرت كلّي قلب و ضلوعي ضريح *** أرجي إحساس ٍ به الحِسّ إنمحى

في النهاية ما يصح إلا الصحيح *** بأنشر القصة لغِنـَّام اللحى

يا عساه يحسّ في قلب ٍ جريح *** طاحنه حزنه مثل طحن الرحى




يا رفيق الجرح الأول .. جرحك التالي بيا

............ مدمي ٍ باقي عروق ٍ باديات الإحتضار


ما ذبحنا غير قولة ( كبريانا ) كبريا

............ من عرَفنا كبريانا .. كل شي ٍ فانحدار


لا تَحَسْب الشمع نوره يكـْـفِي العالم ضيا

............ كل ليل ٍ بالخطايا تِكشِفه شمس النهار


الحقيقة في وضوحي .. لا غرور ولا ريا

............ البلا إنّ الخطا شيـَّد على عينك جدار


كان صِغر السنّ ظنـّك في عذاريبي حيا

............ كيف ظنـّيتك تخلـِّي للعقل أدنى اعتبار


يا بدايات الهموم و يا بداياتي ويا

............ آخر أحزاني ويا أكبر أحاسيسي الصغار


يا جميع الجرح الأول .. يا زمان الكبريا

............ يا وداع الحب كله .. يا وفاتي باختصار



عندي حبيب ٍ مالي ٍ عين الكمال

.............. قرَّت عيوني به وانا قرّيت عينه


أجيه لا من جيت و همومي ثقال

.............. أنسى جميع الهمّ لا طلّ بجبينه


مرّ الزمان و كل عيشتنا دلال

.............. مير العواذل كل خير ٍ حاسدينه


قدّام عيــني مات موحود الجمال

.............. مــات و يميني تحتضن بارد يمينه


مــات و تقطـّع للوصل عقد الحبال

.............. مات و ترك لي دنية ٍ عقبه حزينه


غمَّـضت عيني لا تشوف إلا الخيـال

.............. وش فايدة شوفي إلى ما شفت زينه ؟


أسمع سكـونه يشتكي صمت الرمال

.............. وأذكر سواليـفه و فلـَّة حاجبينه


والـلــه ما أهدا ولا يهنا لي بال

.............. حتى تعود لهاتفي نغمة رنيـنه


جوالي ذا شمس ٍ و ما دونه ظـلال

.............. يشرق برقم السر في باقي سنينه



قبيح الحال يا دجال ْولو تلبس جميل أثواب

.............. فعالك شرّ يا أحقر رجيم ٍ شافته عيني


ولو زينك فتن عينك .. جمال ٍ ساحر الألباب

.............. جمالك ذاك ما يسوى جمال الروح في زيني


أحس ْبمرّ لو أنغرّ .. غروري ميزة ٍ تنعاب

.............. أغطي ميزتي بالعيب لا تقلب موازيني


كلامي ذوق ما به موق صافي الشعْر به ينساب

.............. واذا جيت لـْـوصوفك هــااااجت ْخيول ٍ توطـِّيني


تذَكـَّر يوم عند القوم عافت نفسي الاصحاب

.............. و كيف اني على طيبي نسيت ان انت ناسيني


هقيت ألقى عِطِر يبقى أريجه فايح ٍ جذاب

................ تركت المبخرة والعود اقول اسمي يكـَـفـّيني


جمَعتك بين رمش العين دمعه نبعها كذاب

.............. عرفت الحين كيف ابكي حجاب ٍ كان يعميني


رفعت الراس مابي باس بَعْدك كل جرحي طاب

................ تبـَسـّم للعمر حظي و لا ظنـّيت يـشـقيني


شريتك كاش وبعت بْـلاش .. حرام المال ظنه خاب

.............. قبل لا تفكـّر فبيعي .. عسى ما كنت .. شاريني ؟


صدى الأفراح لا من صاح .. عاد لـْـمصدره مرتاب

.............. و ناجى مصدر احزانه : ( يا ليته فيك ْولا فيني ) !


أقول إبعد ولا تقعد تعاتب كلمتين ْعتاب

............ عتابك لا هو ْبكـَـفـْـوي .. و لا كفـْوك تباريني


فراقك حلّ ياما ظل عقلي يدرس الأسباب

.............. لقى أفضل تصرُّف له .. على العشره يواسيني !!


تحب الخير ؟!! فيك الخير لو بس ينقِفل هالباب

.............. بغيت الحق .. انا أصلاً أبي فرقاك من حيني


وين أدوّر في حروفي عن مكاني ؟

.................. كيف أبـَنـْهي هالقصيد بْـلا بدايه


شاقِـني للهمّ إحساس المعاني

.................. لو بقى لي من أحاسيسي بقايه !


الحزين اللي من اْجروحه يعاني

.................. ما درى باللي تعشْعَـش في حشايه


هو بقى للحِـزْن درب ٍ ما مشاني ؟

.................. لا ولا حتـّى قدر يلحق جزايه !


ربي اللي قدَّر القسمه عطاني

.................. حظ يشبه زول وجهي فـ المرايه !


ما شـَغـَلني من حسود ٍ لو وشاني

.................. قد تعوّدنا على سَمـْع الوشايه


هـَـلّ دمعي قبل لا أبكي ، بكاني

.................. قبل يفضحني ستـَرته بالعبايه


مشهد التوديع عاقِـد لي لساني

.................. والأمل فيني يلـوِّح بالنهايه


وش رجيت من العمر لا صار فاني ؟

.................. ما وصَلـْـني من غرابيله كفـايه


الهوى طمـّاع و العاشق أناني

.................. و الوفا دايم نردد به حكايه


ذي حياتي كلـّها صارت أماني

.................. إنتهت في فصـْـل حب ٍ من روايه


لا تقولوا فيني الإحساس ثاني ؟!

.................. عِـفـْت أنا بعد المشاعر كل غايه !


ليت شِـعري ما كتب صادق حناني

.................. لين يعـْـرف دفتري معنى القرايه


من يبي يلقى قصيد ٍ في مكاني

.................. يرجع لـْـشِـعري ، يدوِّر له بدايه ...!!





تمرّد يا نبض شعري على شيطانك الملعون

.............. تمرّد قبل ِ لا يثري ظلام الحق إجحافي

على تشكيلة ألواني عجزت ألقى حكي به لون

.............. يوضـّح لوحة عروقي .. ولا يختـل ّ به قافي !!

ألا يا جرحي الدامي أنا لك خنجر ٍ مطعون

.............. إذا ما خانني نزفك و صار البلسم الشافي

مدام الطهر له ناس ٍ على بيبانهم مرهون

.............. علام الخبث ما يمشي سوى في دربهم حافي !!

رحل عنـِّي الفضا قصده يدوِّر بينهم عن كون

.............. رجع مع كونهم قصده يزوِّد حمل أكتافي

يناديني سحر همي و لبـَّى فرْحيَ المغبون

.............. عجيبه هالزمن دايم يكابد همّ إنصافي !

ركبته مركبي بـ ابحر على طوفانه المجنون

.............. تمسّـكت ْبشراع الحرف لكن ضاع مجدافي

نعم وان كانت حروفي "عبير ٍ" للي ما يدرون

.............. فـهي كل الشتات اللي يحاول لمّ أهــدافي

نعم وان جفـَّت همومي على خفـّاقي الممنون

.............. مصير النبض في شعري يبيـِّح سدّه الخافي




لمّعوا إسمي مثِل ما تشتهون
لبّسوا شعري صناديق ْذهَـبي

وامدحوني ضِعف منتم تمدحون
دام هذي كورتي في ملعبي

فهّموا سحر القوافي وش تبون
واتركوا قلبي على ماهو يبي

ليتكم يوم ان عرفتوا تجهلون
ما جهلتوا معرفة حظ ٍغبي !

ابتدت فيني غرابيل وطعون
وانتهت فيني براءات لـْعَبي

ما بقى منـِّي سوى روح و شجون
أغتذي عمري و دمعي مشربي

لو على همِّي أنا كلـِّش يهون
بس لو أدري حياتي وش تبي؟!

يمتلي سطري بهمزات ْوسكون
و البناء أصبح ضحيّة مُعربي

وينهم ياللي اذا هم يشعرون
الشعر واحنا لهم نحبي حبي

يحلفون ويحلفون ويحلفون
ما لهم مطلب يوازي مطلبي

أسقي اوراق الشعر حبر العيون
العيون اللي كما عين الظبي

تصغر الدنيا إذا هم يزعلون
وان رضوا كل الضوايق ترحبي

تاجيَ الطيبه ولو وشـّو يكون
آآوي هموم ٍ يشيب لها الصبي

لكن الشرهه على اللي يدِّعون
الشعر عن قولة إني معجبي

المشاعر والمعاني والوزون
والهجوس اللي تحدد منصبي

نختم بْمثل الذي به تختمون
بالصلاة اللي على أخيَر نبي




طرى في البال هوجاس ٍ شعور ٍ خِفـْت تفسيره

....................... شعور ٍ يوم لاقيتك نسى باله و هوجاسه

تقوله : " نفترق لازم عسى يا علـّها خيره "

....................... واقول إن كانها فرقا عساها ضِعْـف مقياسه

خبَرتك ما تقول إلا كلام ٍ دون تبريره

....................... علامه هالحكي كله لسانك يومها داسه ؟

سكنت الروح في روحي بنى لك خافقي ديره

....................... تطاول في مبانيها و لكن إنهدم ساسه

حسبت ان الفؤاد بْطلعتك بيطير مع طيره

....................... واثر طيري بجنـحانه غدى عباس فرناسه

كسَرت من الغلا قلبي بعد ما طاب تجبيره

....................... شربت من العطش دمعي بعد ما إمتلى كاسه

تصوّر هالعقل طيف السراب ْو زان تصويره

....................... ألا وش حيلته عقل ٍ ضـَرَب باخماسه اسداسه

يعانق هالألم روحي.. عـَرَف للطِـيْـب تقديره

....................... حـَلـَـف في داخلي هالجرح لا ما ينحني راسه

خطاي إني عطيت الودّ منهو ( لا ) حسن سيره

....................... مثيل الخـَـلّ.. في السكـَّر إلى من إختلط .. حاسه

حبيبي وش لنا والحب..دام الحب تصبيره !!

....................... بعيد الفرق مابين الفـَحَـم .. مابين ألماسه

حبيبي للأسف ماعاد قلبي ينتفض غـِـيره

....................... ترَيـَّح من جميع احساس قلب ٍ ميِّت احساسه

حبيبي والوداع الحل كانه ما بقى غيره

....................... أمانه بس لا تنسى تشيل الحب فأكياسه

طرى في البال هوجاس ٍ شعور ٍ ( صَحّ ) تفسيره

....................... شعور ٍ يومي اطريته .. رميت البال .. بأنجاسه



سلام ٍ يالذي إنت الذي من بـِدّ هالأصحاب

................... ملَك قلبي .. ملَك عقلي .. ملَك كل الذي ما (بي)


إذا كل القلوب أمْسَت تبيك وْ لك تهجّ ابواب

................... فأنا مالي سوى قلب ٍ عيوف ٍ قافل ٍ بابي


إذا حتى الهقاوي خانت المحبوب والأحباب

................... مَـعاد بـْدنيتي شي ٍ يساوي هقوة إغـضابي


أنا ما قد هقيت إنّ الشِعِر يَصْـدِق وهو كذاب

................... مثل ما قد هقيت إنك تخون الحب فــغيابي


حضرت ولا حضرت إلا بَعَد ما كل مابي غاب

................... لبست ولا لبست إلا بَعَـد ما ضاقتِ ثــيابي


رَغـَم كود المـمـات اللي تساوت عنده الأسباب

................... غريب إني تحرِّيت الضمير الحيّ يصحى بي


كفاية نظرة عيونك تبرهن دونما استجواب

................... كفاية مبسمك عايش على توتير أعصابي


غبية كـنــت!! كيف إني سمحت لـْـنشوة الإعجاب

................... تنادي للغبا طيف ٍ غباءه.. سِـــبـَّـة إعجابي


و جوَّعت القوافي لاجل تِـطعَـم " فصّ ملح ٍ ذاب "

................... و عَطـَّـشت القصايد لاجل تشرب ملح أهدابي


ألَم بوح المشاعر والمشاعر مالهاْ ايّ حساب

................... سوى ماللمشاعر من ألم ينصَــبّ فــحسابي


رهنت لبسمتك ثغري و عضـّيت الندم بالناب

................... عَبَس وجهي ولكن ما تولـّى غير لاحبابي !!


اذاما كان بك كذبٍ يراضيني إليـّا خاب

................... مصير الصدْق بي يرضى اذا ما جرّب عتابي


سلام ٍ يالذي " كنت " الذي من بد هالأصحاب

................... ملك قلبي.. ملك عقلي.. ملك كل الذي ما (بي)


إذا كل القلوب أمسَـت تبيك ولك تهج ابواب

................... فأنا مالي سوى قلب ٍ .. عيوف ٍ .. قافــل ٍ بابي


لا يغرك زينك اللي في عيونك

....... ربي اللي زيـّـنـك خالق سواك



ولا يغرك مدح من هم يمدحونك

....... كل مدح ٍ فيك بالذم ّ اشتهاك



ولا يغرك قولهم : ( لا يحسدونك )

....... الحسد يا صــاح منشاه بْـحشاك



يوم شفت الطيرمِـبعِـد عن غصونك

....... رحت يمّ الشمس فــــّيٍ عن لظاك



دوك ثوب الخير ما غطـــّى متونك

....... والفســاد أردى خلاقـيـنه كساك



يا مر يض الحال قل لي ويش لونك؟

....... جب طبيب الكِذب يصرف لك دواك



من يقول: ( الصدق لا يمكن يخونك )

....... وش يقول فـكلمة الصدق بْـهواك؟



تحسب إنـك بالشـِعر عززت كونك

....... شِعرك المكسور يالجاهل هجاك



لا تغررني بدمـع ٍ في جـفـونك

....... ذاك أوّل يـوم أنا أنـشـد رضاك



أتـعـس الصبار مسقـيـتـه مزونك

....... يتْـفل امطار ٍ تقـطـِِّر من سماك



يا غشيم شلون تـترك من يـبـونـك

....... وترمي بنفسك على هذا و ذاك؟



لو سمعت الشور ما طعته جنونك

....... يستوي عنـده نجـاتك والـهلاك



أعْرف إن الطيب لا صنـته يصونك

....... أنت من طيبك .. تبيع اللي شراك !!



عِـش قرير العـين وانساني بهونك

....... يا حــلاة العيش.. دام إنـّه بلاك



رح لمن غـروك وازهلها ظنونك

....... كود تلقى لك خبل يركض وراك




يا خوي بين القلب و اوجاعه اعْهود
أفطـر بـهـمّ ٍ وارتشِـف مــن وريــده


لا قلت يكفـي قـال أجـل رغبتـك زود
لا بــو جـزالـة هالهـمـوم البـلـيـده !!


أوجس شعـور ٍ لا هـو بْنـوم أو نـود
تشـبـه وصـوفــه للمـنـايـا الـشـديـده

أكْهَل شبابـي شيـب فـي قلـب ملهـود
حـولـي خـلايـق مـيـر كـنّـي وحـيـده

تمطر عيونـي دونمـا بـرق و رعـود
تمـطـر بـصـوت ٍ بالمنـاحـة نـشـيـده


زفَّـت منـيـره بنتـهـا بْعِـقـد منـضـود
راحــت قـبــل لا عِـقْـدهـا تستـعـيـده


لا خير فيها .. دنية ٍ مـا بهـا اسْعـود
مــات ْو كتـابـه ينتـظـر مــن يـفـيـده

معقول موضي ماكـل ٍ جسمهـا الـدود
و خلَّى هـدوم ٍ فـي كِيَّسْهـا جديـده ؟!


أم الجمـايـل عقبـهـا الــراي مفـقـود
سـاره خذاهـا عـن مرضـهـا حمـيـده



بيـت السعـادة عقبهـا صـار مـهـدود
لطـيـفـة الـلــي مـــا بـعـدهـا فـقـيـده


راعي الفضيله شيخ ما عنْه منشـود
عثـمـان قـفّـى لابــس ٍ ثــوب عـيـده


و إليـا سلينـا نذكـره شيخـنـا حـمـود
وشلـون ننسـى شمـس علـم ٍ فريـده


عبدالعزيـز وْ طِيبـة ٍ مـا لـهـا حــدود
كــل ٍ تــوارى تـحْـت أرض ٍ بـعـيـده


حتـى رضيـع ٍ مــا لــه أيّــام مـولـود
ودّع مــهــاده جــنْـــب أمّ ٍ تــريـــده


ما شِفت وافي مثلمـا المـوت بالجـود
لا مـات نشمـي مـات عقبـه عضيـده


يا كـود شعْـر ٍ مـا بَلَـغ وصفهـم كـود
ماتـوا و عاشـت هالقصـايـد زهـيـده


الجسْـم ِ ناحِـل غـادي ٍ عقبهـم عُـود
حـفـنـة عِـظــام ٍ تكتسـيـهـا قـصـيـده


و العقل غايـب بـس بالإسـم موجـود
و الدمـع يمسـح كحْـل عيـنـي بـإيـده


يــا عزّتـالـي فــرَّق الـمـوت عنـقـود
ليـت إن ّ فرقـا الـروح عنهـم تحيـده

شدِّيت عزمي وانقطـع عـزم مشـدود
ظنِّـي أطـارد و اثـري الـلـي طـريـده


مقرود منهو ( يحسب الحظ مقرود )
الحـظ هُـو هـو ... بـس حـنّـا نعـيـده


الـبـنـدق الـلــي مـــا يـعَـبّـا بّـبــارود
تفنـى حيـاتـه و الـصِّـدا فــي حـديـده


أشكي على اللي ما خِشِر معْه معبـود
يرحـم شيـوخ ٍ أصلـهـم مــن عَبـيـده


المـوت حـق و كلنـا نشـهـد اشْـهـود
يـــا ربِّ تـجـعـل خاتِمَـتـنـا سـعـيــده



على كثر الهموم اللي تجيش بصدري الملهود

............... بعَدَها ما سقـَت عيني مدامع حزني الظامي


الى من ضاق بي همِّي تمنـّيت السنين تعود

............... ولكن .. من متى كانت سنيني فرحة ايامي ؟!


علام القلب يتمنى عروقه { تستحيل } ورود

............... اذا كان الشذى يجذب طعون ٍ تذبل ِعظامي !!


مشاوير اللقا راحت تحيد لمفرق ٍ مسدود

............... و ذا مشوار للفرقا يسوق الدرب لأقدامي


يحسدون العبير لـ ميلة ٍ في حظها المقرود !

............... أجل وشلون لو شافوا هموم الحظ لى قامي !!!


لمحت فغمرة احزاني سماي بـ خاطرٍ مهدود

............... وَهَج نور البدر/ وابرق / وميض الشوق قدامي


تخيلتك قمر يضوي ليالي فكري المحدود

............... والى من حلّ بي فجري غديت الشمس ( فـاوهامي )!


بعيني لو جميع الناس غابوا ما بهم مفقود

............... مدامك حاضر بقلبي و طيفك ساكن احلامي


تصدِّق ما دريت انّ الخلايق عنـْك فيهم زود ؟

............... يزيدون بـ برودي .. وانت حدّك حبي الحامي !!!


مع اني ما عطيتك غير قلبي..تشتكي هالجود ؟!

............... عسى مـ ازهد لك بْـ روحي وتشكي باقي ْحطامي


ترى لا هِـمْت في حبك..ذكرت انّ الشـِّعر موجود

............... رحمك الله / من اطنان المشاعر/ عند أقلامي !!


انا والليل وهمومي على رهن العيون السود

............... ترفـّـق في بَهاك اللي عليه أسدلتك لثامي


ولا صارت مشاوير اللقا لك ، كلـّبوها صدود

............... كفاني من دروبك إنها هي ... مصدر إلهامي




سلامة شوفها عيونك .. سلامة قلبك و نبضه

………….. سلامة روح مِتعِبني .. سلامة عقلك و جسمه


أقيس الهمّ بعيونك ..ومدري طوله من عرضه

………….. بعد ماخذت مقياسه .. دِبَلـْت بْـمتره البسمة


حظيظ الدمع فعيونك.. ترَبـَّع قاضب ٍ أرضه

………….. يساوَم فـ امر هجرتها .. جـِـزَم بالرفض له حسمه


قرَضت الشِّعر فعيونك..إلين أبدَعت في قرضه

………….. وإلاني أرسم عيونك .. و زان الشِّعر بك رسمه


حياتي فجْرها عيونك.. و رمشك قايم بْـفرضه

………….. وإذا جا مغـْـربي صلّـى ثلاث الفرض منقسمة !


لمحت الشوق بعيونك.. يجيني مسرع ٍ .. رَكضة

………….. تلـَعـْـثم يوم ناظرته .. يردد قولته : ( شسمه ) !!


جمعت عيوني وعيونك.. طرحت من الزمن بعضه

………….. عرفت الحلّ مع إنـّي جَهـَلت الضرب والقسمة !


أنا ما حبّها عيونك ...


أنا
.
.
.
للعِـشـْـق مفترضة !

………….. بجنب رياح أطيابك.. عبيري ..مااا يجي ... نسمة


بَصير الكـُرْه لعيونك.. أبد لانـي بْـمعترضة

………….. و لكن قبلها إحلف ...؟؟ تغيـِّر للعِـشـِـق إسمه


أبيك تغمّض عيونك.. و أبيك تطوّل الغمضة

………….. لأجل لا قلت لك فتــِّح ...

.
.
.
لْـقيـــت

.
.
.

اْقصيدة ٍ دسمة !



لأول مرة أتجرأ بنشر هجينية .. آملة أن ترتقي لذائقتكم البهية ...

. ..ــــ


جيت النسايم لـها ذعذاع

........... والمسْك عطـّرْت له ثوبه



لا قلب لي فاتح ٍ مصراع

........... وْلا طهر يشكي من ْاذنوبه !!



يوم القدَر للفرح منصاع

........... جوني حشودك وراحوا به !!



يا سيّدي والوصل قطــــّاع

........... والهجْر عتـّب على دروبه



كانك تقول البحر بك ضاع

........... دوك السما بيّ مصلوبه !!



ما دام ذا في الهوى لك باع

........... عينك عن الحب معصوبه !!



خنت الرعابيب باستمتاع

........... ياليت مانيب رعبوبـه !!



لا تنشد الوافيَ الخدّاع

........... ليه المحاظير مرغوبه !!



سرّ المولـّع اذا ما شاع

........... تصبح قصـايدْه مـــقــلوبه !!



لااصبحت جا خافقي ملتاع

........... ولاامسيت رددت "والكوبه" !!



خل الـتجـّهم ولا ترتاع

........... مثلك انا كنت مغصوبه !!



لـُوتدريْ عن خافقي لا باع

........... ما ينشد الشاريْ كم هوبه



كان الهوى واعدَك بالقاع

........... قدْر الـهواوي ومحبوبـه !!!



ماعاد لي في هواك اطماع

........... الـتـوبه التـوبه الـتـوووبـه




للجمود الساكن اللي في محيطاتي العميقه

........................... بأنتفض موج ٍ و ابعثر رجفة ٍ تقلب كياني


من بديت أمشي وانا من ضيقه ٍ في ألف ضيقه

........................... كل ما ضايقت درب ٍ..ضاق فيني درب ثاني !!


لو تعَـزويت الصبر .. ما تكفي الدنيا دقيقه

........................... ولو تعزويت التجمِّـل..ملـــّت الدنيا الأماني؟!


يقطع أم الحب كان الحب هذا هو طريقه !!

........................... ويش ابي بالشمع كان الشمْع يحرق شمعداني؟


يالخفوق إفرج عن الأشعار والحب و رقيقه

........................... و اسجن القرآن عندك لين يعرف وش دهاني ؟؟!!


كن حظي ورْد يومي نحلة ٍ تلْـفِـظ رحيقه

........................... كل ما قبّـلت قفـّى .. وان تحاشيته نصاني


و كن في غصني غراب ٍ يزعج الكون بنعيقه

........................... ما دريت إنه حسود ٍ لين با زهـــاااري رماني


ما عَرف للطيب غير اللي تمصلح مع رفيقه !

........................... و ما عرف للجود غير اللي يعدد وش عطاني ؟؟!


الجحود اللي كتبته تــوّ ما بلـّــيت ريقه

........................... والصديق الصادق اصبح بعض حبر ٍ في معاني ؟!


الحقيقه ما تزِّيف من يزيِّف فالحقيقه

........................... و المشـــاعر ما تــبـادر من يـبـادر في هـــواااني


سلـّت الدنيا سيوف ٍ في وَجـِه ساطع بريقه

........................... وفالوجيه الشـِّهـْب حارت بين أفراح و تهاني !!


يا عشيقي لا تقول انك تدِّور عن عشيقه

........................... ما بقى فالناس عاشق ما يدِّور عن مكاني


للجمود الشامخ اللي فالعمر ماله وثيقه

........................... باكتب إثنين ٍ و معهم عشرتي ويـّا ثماني




المغيب اللي يواجهني بـ هيبه

.............. له سلامي دام هو بالسِّلـْم بادي



والشروق اللي تغافلني بـ ريبه

.............. له عدائي طالما وده يعادي !!



فرحتي لبـّستها ثوب المُصيبه

.............. وابتدا عرسي بتشر يعة حدادي



يوم كل ٍ ماسك ٍ بيْـده حبيبه

.............. كنت أنا ويّاي نبحث عن أيادي !!



تبتسم في وجهي الدنيا الكئيبه

.............. وإفـ ملامحها تباشير ابتعادي !!



كيف صارت دمعتي مثلي غريبه

.............. والمحـاجر غرّ بت عني بلادي



البحر متلحـّـِف ٍ حزني غصيبه

.............. والسما والأرض عتـّمها سوادي



إلتهيت بخافقي يا ملتهي به

.............. ماخبرت القلب يا قلبي حيادي !!



إنشد السهران لا قفـّى صحيبه

.............. هي نجوم الليل تهنا بالرقادي ؟



جيت لك بالحال كانك ترتضي به

.............. بارتضي بالهم لو همّك سهادي



يشتعل شوقي ويطفيني لهيبه

.............. وإفـ رياح الصدّ ينـثرني رمادي !!



خانـتك دنياك يالـدنيا الرحيبه

.............. خضت فيك الحرب مسلوب ٍ عتادي



مايفيد الصوت لا يكثـَر نحيبه

.............. ليتيَ ادري بسّ من فينا ينادي!!



وش عليّ من الزمن لا بان عيبه

.............. دام صار العيب في ذا الوقت عادي !!



ملـّت افكاري تودّيه و تجيبه

.............. كنّ لي طيف ٍ معَه رايح وغادي !!



دوك يا حظي وقسـِّم له نصيبه

.............. واترك النكران مقسوم لفؤادي



من خذله الحظ لا يمكن يصيبه

.............. ضايع بـ وديان والدنيا بـ وادي !!



رحت اشيل القلب في يدّي بطيبه

.............. ما ذكرت ان التحرك لا إرادي !!



فرحتي ياللأسف مليون خيبه

.............. كان ماللحلـم عادات ومبادي



قصتي يوم انها صارت رهيبه

.............. من بدايتها تهاوت مع عمادي

جيت شعري و المكارم بيننا حـب وقرابه

................... والمعاني ما لــهـا غير الحبر بعدي عشيق

كنت أحسْـبَ الطير يوقـــّع له على ْاطيور ٍ تشابه

................... واثر ما حولي طيور ٍ واثرني خبْري عتيق !

لا و انا ماني من اللي باع شعره واشترى به

................... لاانسلب منـّه شعوره ، وش بـ يَـعني للبَريق ؟

شــاعره و اكتب قصيد ٍ يفقـِد العـــاقل صوابه

................... كنه المخمور و اللي ما على بـــاله يفيق !!

والقصيـدة لا عصتني ، خذتها دون استجابه

................... يكفي اللي في خفوقي بارد ٍ وسط الحريق !!

لا و انا بنت احمد الشيخ ِالذي كــل ٍ يهابه

................... مـــا ورثت الا الأصاله من ورا مجدٍ عريق

بنت ابوي ولا لـقـيت إلا الفخر فيني شقا به

................... والطموح اللي شقا بي ما غدى حر ٍ طليق

بنت واكــتم عبرتي وارسم على وجهي سحابه

................... تمتلي عيني قصايد لامتلى صدري شهيق !!

وابتسمت ومادريت ان الزمن تعوي ذيابه !!

................... والبلابل صوتها في مسمعي مثل النعيق !!

الليــــال ِ الموحشه دلــّـتـني دروب الــكـــآبه

................... واحتريت الصبح ميرالصبح ما دلّ الطريق !!

وش بلا أرض المـــواجــع كــل ّ ما زادت رحابه

................... زاد في زرعي قصـــيـده كن ما ودي تضيق؟

رحت و الابيات نمشي قصدنا قــتـل الرتابه

................... ما قـتـلت الا قصيد ٍ ممتلي عطر ورحيق !

والحسود اللي حشر في سيرتي حضرة جنابه

................... ناهق و ماضرّ اشجار الصخا صوت النهيق !!

لا غرابه لو جفاك الوقت عادي لا غرابه

................... لا غدت حتى القصايد ما بها نـفس ٍ تطيق !

قلت باصبر دام صبري علـــّم الشعر الكتابه

................... وانكتب شعري بصبـْر ٍناشفٍ من دون ريق!

هو سؤال ٍ كل ما جيت اسأله مـ القى جوابه

................... ليش ماللشاعره غير" الغبن " وحده صديق ؟


نوبة ج ن و ن !! ــــ.. .

--------------------------------------------------------------------------------



ولأنها هيفاء ...

و طلباتها أوامر ...

إليها بشكل عام وإليكم بشكل خاص ...

أهدي هذه القصيدة ...

على أمل أن تلقى نصيباً من القبول ...

. ..ــــ


بدّيت عقلي على الخفاق بدّيـته
............ والظاهر انـّه نهاني قبـْل يبداني

غيرك يجي لي .. ثلاث سنين ما جيته
........... وإلا انت تـِشـِّر .. وتدري وين تلقاني

مثـل الملاك .. وْ بحبك صرت عفريته !!
........... يا شيخ تكفىىىى وش اللي منـْك ماجااااني !!

واللي يعذرب من الأصحاب ملغيـته
........... ما حدّنا الله نخلـِّي حاسد ٍ هاني

ياناس لولا عيوبه ما تمنيته
........... الكل منــا يكمـّل ناااقص الثاااني !!

من دون حبه وش اللي فيه لاقيته؟؟؟
........... غير انه اول بياض ٍ يخرس الواني

في عز ضيقي وعطره يوم شمـّيته
........... دنياي صارت ربيع ٍ فل ّ حجاني

والكل ّ ضرّب كفوفه يوم حبيـته
........... ماعاد باقي لهم آمال باحضاني

لبى التواضع قصيدي يوم ناديته
........... وإلا المشاعر تموق فكل قيفاني

باب القصايد على فرقاه هجـّيته
........... لكن حبه وربي يعقِـد لساني

لاجيت بكتب "كرهته" قلت باغيته
........... وان جيت بـ العن وصوفه قلت يهناااااني

أخفيت شوقي واحَسْب اني تحديته
........... ولقيت ظلي سبقني له و خلااااااني

لا ما تناسى هواي ولا تناسيته
........... شوفو عيونه معي هالحين تقراااااني

واذكر برمشة عيوني كم تباطيته
........... وادري برمشة عيونه كم تباااطاني

يا ليت دربي يوديني على بيته
........... والشوق قفلي / ويمسي الحب سجاني

هذا وعقلي ترى ينقال بدّيـــــــته
........... وشلون اجل لو ببدّي فيني ج ن ا ن ي


... شئ ٌ من الفخر .../
(1)
.
.
.
. ..ــــ أنـتـم الـدولـة ــــ.. .


سنة .. تقفي سنة .. تقفي سنة .. تقفي وراها اعوام

.............................. . على عهد المودة كل شعب ٍ وانتم الدولة


غرستوا تربيتنا تحت ظل وراية الإسلام

.............................. . وغرس ٍ كان غرسه من وراكم ؟ حظ محصوله


نعم يمـــه فديتـك كل يوم ٍ وانتي الإلهام

.............................. . لكل اشعار كتـــّاب القصايد واللي بآقوله


بحضنك يا بعد قلبي سهرنا.. وان بغينا ننام

.............................. . تلحفـنا حنانك و السـهر لك سحـّـب رجوله


وهذي يا يبه بنتك تسابق ظلــــّـها قــدام

.............................. . و فخر ٍ مافتخرته لك .. أجل بالله منهو له ؟!


ابوي احس ابوي إن قلتها .. صار الوجود ْهيااااام

.............................. . وانا خبري من اول مُعجبه .. والحين مهبوووووله!!


مضت عشرين عام ٍ .. كنــّها من عِشتكم .. أيام

.............................. . ووقت ٍ دونكم ( وان كان لحظة ) .. قلت يا طولــــــه


وانا يا شاعرة .. إسم اني اكتب و الـهــِـم ِ الأقـلام

.............................. . ولكن .. لا قصيد ٍ عبـــَّر وْ لا جبت مدلوله


عساني ما اخلا منـكم واحقق معكم الأحلام

.............................. . ودام اليوم عيد ٍ .. كل شعب ٍ وانتم الدولـه

ـــــــــــــــــــــــــ
.
.
.
/... شئ ٌ من الفكر .../
(2)
.
.
.
. ..ــــ كـنـت أفـكـر ــــ.. .


كنت افكر ويش يعني فيك زايد..

.............................. . عن جميع الناس يوم اني أبيك ؟


قلت اخوي؟ / وصاح بي "صَرفي" يكايد :

.............................. . لا "أخـوك" ولا "أخـاك" ولا "أخيـك" !!


من وانا طفله وانا قلبي محايد

.............................. . مادريت اني بابيعه واشتريك !!


كل سهل ٍ دون حبك صار كايد

.............................. . وكل كايد تزهله لمسة يديـك


ما لبست الا مسابيحك قلايد

.............................. . ما كحلت الا عيون ٍ تحتويك


ما سكت ّ إلا إذا صمتي فوايد

.............................. . ماحكيت الا إذا سولفـت فيك


وان ذكرتك ليل / جافيت الوسايد

.............................. . وان ذكرتك صبح / شبيـّت التريك


واخفي اسمك لا قريته فالجرايد

.............................. . من كِثِـر مآاغـيـر يا قلبي عليك


والهلال إن هلّ ..محد ٍ به يعايد

.............................. . يحسبــــونه حاجب ٍ من حاجبيك


قلت لي بآجيك وثيابي جدايد

.............................. . راحت اعيادي وحـنـّا نحتريك


جيت احبك وابدع بيوت القصايد

.............................. . قلت يمكن // هالذي جاني يجـيك


ليه افكر ويش هاللي فيك زايد ؟

.............................. . يكفـْي اللي زايدك ... كوني أبيك

ـــــــــــــــــــــــــ
.
.
.
/... شئ ٌ من الخذلان .../
(3)
.
.
.
. ..ــــ قـد ّ الـمـراجـل ــــ.. .


من قال حنا نبي لك شي يالغالي؟

.............................. . لا صرت كلْـما تكحلـّها.. بتعميها


حطيت عندك أمانه من ردى فالي

.............................. . وازريت اقول إن حاميها حراميها


موروث طيبي .. وطهري وانصع اعمالي

.............................. . ظنوك بانك على ماقيل راعيها


ياكثر ما خاب فيني ظن عذالي

.............................. . وياكثر هقوات خابت قبل لاهقيها


ما شفت نخل ٍ وجا لي تمرها حالي

.............................. . الا والاقي دسيس السمّ ساقيها


مدري تثاقلت اشيل الهم بلحالي...؟

.............................. . مدري كتوفي عليّ اليوم وش فيها ...؟!


طقيت انا كل باب ٍ شفته قبالي

.............................. . ما غير باب الرذايل قلت مابـيــها


جنـّبت سمعي دروب القيل والقالي

.............................. . ورفعت نفسي عن اللي هو يماشيها


عند الشدايد أحلّ معقــّد حبالي

.............................. . واشد روحي على الضيقات وارخيها


والخير.. مهما جفوه الناس .. يبقالي

.............................. . والناس ما تجفي الا من تردِّيــها


جربت صمتي لقيت الموتة اشوى لي

.............................. . والموت عيا على صمتي يعـَـدِّيها


وان صرت بنت ٍ فلانيب اصغر عيالي ؟؟

.............................. . قدّ المراجل ...
.
.
.
وانا ابــــــــــــــــــوها ... واسمّـــيـها !

ـــــــــــــــــــــــــ
.
.
.
/... شئ ٌ من الإنكسار .../
(4)
.
.
.
. ..ــــ مـيـلاد انـتـحـاري ــــ.. .


أدري انه ما يهمك بس جيتك : شوف عينك

.............................. . منها آسلـّم عليك.. و.. منــّها آرد اعتباري


يوووه لو تدري.. جهاتي الاربعه - بيني و بينك –

.............................. . كلهم من زود حبك زاحموا فيني يساري !!!


علـّـموك شلون ترفع راسك و تعـْـقـِــد يدينك

.............................. . ما تشوف إلا عبيد ْوخافـقـك كله جواري !!


إلتهيت انت ْبغرورك قلت اجل " خله رهينك !! "

.............................. . خفت لا تكسر كلامي، كافي ٍ فيني انكساري؟؟!!


يوووه يا ذيك المحبة. وينها. ويني ..ووينك ؟!

.............................. . هو صحيح ان المشاعر كل مافيها تجاري !؟؟؟


أنتصر لك فالمحافل لاجل نـقــهـر عاذلــيـنـك

.............................. . وانت .. قدام العواذل تنسحب .. ما جبت طاري ؟!


ما دريت اني بكيييييييييت ولا بكيت إلا لعينك

.............................. . والمصيبة وش يهونها علي ّ لاصرت داري ...!!


ويــيييييـــن كنت انت الذي لا شفتني.. يشرق جبينك

.............................. . ما بقى من ذكرياتك غير تنهيــدة نـهـاري !!


لا تعوّدني صدودك يرحـــم الله والدينك

.............................. . كيف يتحمل دلال المترفة عيش الصحاري


كان جالك عـِــز ّ مني .. ردّه.. الله لايهينك

.............................. . نفسي ارجع يوم والقى غير ذلـِّي فانتظاري !!!!


قـلــّي وين ألقى دموع ٍ في حياتي ما تدينك؟

.............................. . إرتكب جرمك ولكن خل موتي باختياري !!


حِسـْـت ابو التاريخ !! ادوّر عن ولادة ياسمينك

.............................. . مالقيت الا وداع ٍ فيه ميـــــــــلاد انتحاري !!!


ادري انه ما يهمك بس جيتك : شوف عينك

.............................. . جيت بآسلـّم عليك.. ورحت من دون اعتباري

ـــــــــــــــــــــــــ
.
.
.
/... شئ ٌ من التوبيخ .../
(5)
.
.
.
. ..ــــ هـز ّ فـنـجـالـك ـــ.. .


إشتاق لك قلبي كثِـر ما جيت في بالك

.............................. . شف ما إذا بالك تـكـرّم ..وانشغل فيني !!


تنشد وصالي.. والهوى مقطوع بوصالك؟؟

.............................. . لاوانت من زين الطبايع تسألَه : ويني؟!


أمداك تنسى جيـّــتك يوم انت يرثى لك

.............................. . وخليت لك عزّ ْايتمــنــّونه سلاطيني !!


ولــْبسْت لي وجْه ٍ بـ لون ٍ أسود ٍ حالك

.............................. . ولبست لك نور ٍ توهـّج في شراييني !


سبحان ربي .. في الكِذِب يا ضعفها حبالك

.............................. . وشلون تقوى مثلــها حدّة سكاكيـني !!


انت الذي أحسن خصالي بالوفا جا لك

.............................. . وانت الذي ما خذت منـْـك إلا ثقل طيني !!


مابيك يا حظي وفال الله ولا فالك

.............................. . دام الكرامة حطها الله بينك وبيني


رح للغباء اللي سِكنك ونوِّخ ِاْجمالك

.............................. . لاصرت منتب كفو تسكن بساتيني


إحلم حبيبي بالقمر لامن تهيـّالك

.............................. . لا طايل ٍ شوفي ولانـتــب مالي ٍ عيني !!


ياخي من التوبيخ تكفى هـِـزّ فنجالك

.............................. . تدري كريمه عاد لا صبّـيت .. يا شيني !!


لولاي اخاف اللــه ماخليك في حالك

.............................. . لافضح رداك ومن شعَـلني لاااا يطّـفيني !!


إن كان كـل الرجــال تــشابه افعالك ؟؟

.............................. . الحـــمـــد لله... خلقني بنت من حيني


ودّعتك المعبود في حلـِّـك وترحالك

.............................. . لا حاجة ٍ لي بك ولا لك حاجة ٍ فيني

ـــــــــــــــــــــــــ
.
.
.
//... أبـيـات شـاردة ...//
.
.
.
ياللسعادة .. ما بقى شخص خوّان ...

................... دام الخيانة كلها ... تجتمع فيـك
.
.
.
ما عاد دمعي ينحفظ فالمناديل

...............لا صار ما عند المناديل ذمة...!!
.
.
.
لولاك ذوقي ؟ .. ما هويت و تعَـنـّيت

........................... والا الكمــال ؟..اْمكــمّـل اْفـ بنت أحمد...!

.
.
.
___________
.
.
.
/... شئ ٌ من العشق .../
(6)
.
.
.
. ..ــــ لـيـل الـمـجـرة ـــ.. .


الصدّ منـّك ولـَّع انواري السود

............................ ومن ظـَـلمتي وزعْـت ليــل المجـّرة


حرام نفـعك للعدوّيــن مشهود

............................ وانا ( الحبيبه ) .. نلت منـك المضرة !!


امس انتبادل كل الاوقات بالجود

............................ واليوم .. حتى لي سلامك .. أطرّه ؟


انت الذي في كل الايام مفقود

............................ واللي غبنــِّي .. فوق هذا تـشــرّه !!


شهدي وملحي بالحلا اجتمعوا ْضدود

............................ لكن ترى قهوة تجافيـك مـُرّه


عقبك على حالي شِـفــَق ناحل العود

............................ والشــوق بَـخــَّر دمْع عيني بـ حرّه


للهمّ رتم ٍ بين الاصوات معهود

............................ وفـ الصوت بحـّـه كلـّما الحزن جرّه


والحظ .. جزل ٍ فالعطا مير مقرود

............................ والله مدري لو بخل وش يضرّه ؟!


إن صار حيلك من مِـلاقاي مهدود

............................ فانا غيابك هـــــدّنـــي ألف مرّه


وماهوب منــّك تِـبْدل اللـّين بالكود

............................ الله يبارك في عذول ٍ تبرّه


كانه تِـغلــِّي وانت خليته اْصدود ؟

............................ فالله يجير الحب مـمـا يسرّه


والله يسـخـِّر لك تصانيفي بـ زود

............................ والا غلاي ..الــلـه يكفـّـيــك شرّه


عشقك من اول لين هالحيــن موجود

............................ هذا غرامك في ضلوعي مقرّه


مسكنك قلبي تسقي الدم بـ ورود

............................ تملا عروقي عطر...... لله درّه


تعـــال ودِّي تطــْـفـِـي انواري السود..

............................ حتـــّى أصَـبـِّح بك على هالمجرّه !

ـــــــــــــــــــــــــ
.
.
.
/... شئ ٌ من الوفاء .../
(7)
.
.
.
. ..ــــ ثـمـان أيـام ــــ.. .


ثمان ايام يالظـالم .. تمرّ .. ولا لكم شوفة !!

.......................... ثمان ايام معقولة تمرّ ولا لنا سيره ؟!


انا وعيوني وقلبي و يدّ و يدّ مكتوفة

.......................... تحرينالكم انت ولسانك و ْلمعاذيره


تلعثم .. قال انا احبك .. وقام يعدد ظروفه

.......................... توقعته على العادة .. مثل ماعتدت من غيره !


يجيني .. طالب ٍ قربي ..يزبرق ساحر حروفه

.......................... والا من جَد وقت الجـِد .. قال إن ْ توك اْصغيره !


انا ما خفت من هاجس خداعه لكن الخوفه

.......................... لو أتجاهل بنيــّة صافيه ..؟ بامووووت بالحيره


نشدني .. ( - يااااا بعد عمرِي - وراك اليوم ملقوفه ؟!!

.......................... بعد بكره يجيك العلم ... والله يكتب الخِـيـرة )


أعَرف اني وفـِّيـة لو زمنـّا جارت صروفه

.......................... واعَرف انه وعدني والوعد ويـّاه تفسيره


وصاروا عشرة ايامه... سنيـن ٍ تحتري شوفه

.......................... وانا لليوم ما حاولت اجيب لخاتمي سـيـره

ـــــــــــــــــــــــــ
.
.
.
/... شئ ٌ من الطهر .../
(8)
.
.
.
. ..ــــ يـامـا ــــ.. .


ياما وياما قلت لي .." ياما ْوياما قلت لك "
.......................... ياما وياما قلت لك:" ياما وياما قلت لي "

واضح عليك انت الغلا لكن عزيزي مااجملك
.......................... لما يجي خلف الغلا قلب ٍ بحبي ممتلي

لا بو همومك و الزعل لابو حبيب ٍ يزعِـلك
.......................... آآطى على قلبي إذا قلبك همومه تنجلي

حين ٍ تحسّ انك قمر.. حين ٍ تحس انك ملك
.......................... لكن شعور ٍ تجهله : هو قيمتك بالنسبهْ لي

لا تشتكي نار الهوى دام انــّها تـنـشـَبّ لك
.......................... غيرك يموت من الصقيع ْولا حِصَل له مشعلي

تدري وش احلى ما أشوفه فيك كلك؟..مُجملك
.......................... مدري هو احلى ما تشوفه فيّ .. كلي بـ اكملي ؟

مـاستغرب اسراب النحل يوم انها تنشـدّ لك
.......................... العين في لون العسل و الخد ورد ٍ مخملي

أشفـَق على ذيك الجبال اللي تحاول توصلك
.......................... تتطاول بْـ طين ْوحصى وانت ْفـسمائي معتلي

بدري على شمس الكواكب والمعامل و الفلك
.......................... تنجب مثل نور ٍ الى من شعشع اجْـهَر منزلي

يا صِـبْـر شيطانك عليك ْاشلون هُو مستحملك !!
.......................... أكبر عذاريبك خصال الطيـْب يا شيمة هلي

هُـونك على طهري أنا ودي فقط أتأمـلـّك !
.......................... لك نظرة ٍ لا داهَمَت يخجل جميع اللي عليّ !!

جاوِب ولكن كانها كـَلـْمتـْك (إيـه ٍ) .. باسألك :
.......................... تسمح حبيبي كلمِتِك .. بابني بها مستقبلي ؟

أما ولو صارت بـ نفي ٍ كلمتِك ...... لا يشغلك
.......................... لا صار ياما قلت لك:" ياما وياما قلت لي" !!

ـــــــــــــــــــــــــ
.
.
.
/... شئ ٌ من عزة النفس .../
(9)
.
.
.
. ..ــــ الـلـه واكـبـر ــــ.. .

الله واكبر عليك شلون ترضاها

.............................. . بنت ٍ رخيصه ..وتعزمها على جاهي؟؟


مثل السحابه تصب ولا نفع ماها ..

.............................. . ثوب الصحاري ../ مدامه بالرمل راهي


الشمس تشرق ولابه من تحراها

.............................. . والبدر يسهر طوال الليل بي ساهي


العز داري ودون العز مابغاها

.............................. . والناس تشفق لدار البن والشاهي


وابسط تحية على مخلوق بالقاها

.............................. . في كل مجلس ..مفاخر بي ومتباهي


يومك تنشـّد عبير القلب وش جـــاها

.............................. . ما ردّ قلبك : " بلاني عنــّها لاهي " ؟


سامحت صفحات ذنبك دون ماقراها

.............................. . وارجع والاقي ذنوبك هي على ماهي


وبطيبة ٍ بي تمـنـــّى مين يسواها

.............................. . حاولت اعَـذرك ..وعذري صار بك واهي


ما كنت اظنــّك مثيل الناس لولاها

.............................. . ولاكنت اظنــّك تصير المر فشفاهي


خلــّك تدّنى بحبك مثــْـل شرواها

.............................. . وخل ّ التميــّز يلاقي حب باشباهي


الله واكبر عليك شلون ترضاها

.............................. . بنت ٍ رخيصة ...تبـدِّيها على جاهي ؟؟!

ـــــــــــــــــــــــــ
.
.
.
/... شئ ٌ من الروحانية .../
(10)
.
.
.
. ..ــــ الـدنـيـا ــــ.. .



غبيه يالقلوب اللي تبي في ضيقها إنسان

.............................. . إذا الإنسان في حزة رخاه.. اْيخون محبوبه


أدوّر بالنقا روحي ولا ألقى سوى الخذلان

.............................. . واسّحب حافي رجولي على الأشواك مغصوبه


نعم .. ياااااما انظلمت .. ودعوتي ما عنــّـها بيبان

.............................. . ولكني تسامحت و جرعت الظلم من كوبه


وش ارجي من ورا دنيا مشى فيها نبي ..وانهان؟

.............................. . رفعت الرايه البيضا على ذا الوقت وحروبه


انا ما جيت للدنيا رجا مخلوق ايًّا كان

.............................. . ولا يوم ٍ بقول لطيبتي .. ياطيبتي توبه


ولانيب انتخي دنيا ً دنيـّه في زمن خوّان

.............................. . مدام ان الله العالي حفظ للحــــــق مسلوبه


عباتي تستر عيوبي و راسي لابس ٍ تيجان

.............................. . وعزِّي مالي الدنيا بـ ذل ٍ لابس ٍ ثـــــوبه


أبهرب من عبير الورد واترك عطرها الذبلان

.............................. . عجزت استفرد بْحالي وانا لاحقني اْهروبه ؟!


حبيبي يا إلـــــهي .. أشتكي لك قلبي الشفقان

.............................. . وذولا كاتبـَينه وانت تدري ويــش قالوا به


سألتك رحمة ٍ تقبض جروح الروح يا رحمان

.............................. . ومتعة شوفتك غاية مُـنى الخافق ْومطلوبه


على الدنيا السلام إن كانها ما عمـِّرت بايمان

.............................. . سلامي واعذريني لو رحيلي قصـَّر اسلوبه


وش تـسـمـِّيـنـه ؟! ــــ.. .


تقول امي علامك لك ( شهر ) حالك يجيب الخوف

.................. وصرتي ما تقولين السلام .. وْ لا تردِّيــنه...؟!


يايمه وش أقول وحالتي ما تنوصف بحروف

.................. وما يفضح هموم الروح غير اللي تشوفينه


وليش امسح دموع اطفال شِعري ..والأبو مخطوف ؟

.................. نهيم ْفكــل وادي بسّ نتـفـّـقـد دواويــنـه


أعيش الحب باحلام ٍ تـــّحرّى وعده المخلوف

.................. ونظرات الخيانه ، قبل حبه ، تلـمع بْـعينه...!!


ومدري وش عطاني غير حزن ٍ ماكن ٍ بالجوف

.................. وانا تلـــّـيت له قلبي بكبره من شرايينه


يايمه وش بلى حظي عليّ من الصِغر منتوف ؟

.................. وحزني " نافش ٍ " ريشه يموق بحظــه وْ زينه...؟!


يايمه لو تخبــِّـين العنا .. هذا البخت مكشوف

.................. وانا من قبل لا أُولــَـد ..عرفت اللي تخبينه


وانا اذكر يوم قلتي لي طريقك بالشقا محفوف

.................. ولكني نسيــــت اني (وانا اضحك) قلت : " مـاشـيــنـه " ...



يسموني حزينه
.
.
.
.. لاااا ..

أنا هالحزن بي موصوف

.
...
............

إلى قالوا












(( تعبــَّر ))










..هاه ..




بالله وش تسمــِّيــنه ...؟؟؟!!

.
.
.
يسموني حزينه .. لاااا .. أنا هالحزن بي موصوف

.................. إلى قالوا (" تعبــَّر ") ..هاه .. بالله وش تسمــِّيــنه ...؟؟؟!!
.
.
.
ولو يمه تعذبت و صِفقــْـني هالزمـان ْ كفوف

.................. انا ادري توّنــي ما ذقــْـت ربع اللي تذوقينه


طبيعي من مرارة حاضري .. مستقبلي معروف

.................. ولكنه يصير احلى حلى دامك تعيشيــنـه


عسى ربي يخلي لي حنانك للأبد موقوف

.................. وعسى ربي يخلي لك جميع اللي توِّديـــنه


يايمه لو طلبتيــني عيوني .. ما ذخرت الشوف

.................. بعذر الجنــه إن جت تحت ماطـــا ً ..لو تـدوسينه


و لي فوق (العمر) والحال هم ٍ في كدر في خوف

.................. وأحد يقدر يشوفك .. دون ما يرتاح في حيـنـه...؟


عبير بنت أحمد

الأحد 13-4-2003
11-2-1424
.
.
.

و هنـا...

محاولة جادة للخروج من السواد ...

بالنوايـا البيضاء ...

.
.
.


على بيض النوايا والقلوب الطاهره تـنويك

.................. وانا ادري فيك تدري بي وتدري فيني ادرى بك


وانا مابين ايه وْ لا .. سألتك لو يجي تشكيك

.................. أبي بس اعْرف ان اللي ذبحني ما بعد صابك !؟


يشوفون الربيع فعيني اللي لا حضر طاريك

.................. نبت جفني زهر وانفاس روحي تنشر اطيابك


تبيني لك هوى ؟ خذني خفوق ٍ جعله يسليك

.................. وش احلى ما يجيني غير حبـك واجمل عتابك


أحبك والذي حط الحنـــان فـ راحتين يديك

.................. أحبك والذي خلى الشــــدايد تحسـب اْحسابك


ويمكنــّك تعَرف اني أحبك واعشقك واغليك

.................. ولكن لو تعَرف اللي كـتمتـــه.. ضاعت ركابك


أغير وما بَـغير إن غرت لامن ذا ولامن ذيك

.................. بـاغير اْمن (العبير) اللي سكن في زهرة اهدابك...!


وانااذكر لي عيون ٍ( بالعسل) مخلوقة ٍ تشفيك

.................. و( سوّدها ) الكحل لمـّا بكت من هاجس غيابك !


وفي لحظة تلاقـينا سجدت لخالق ٍ معطيك

.................. طهـِر كل القلوب و دعوة ٍ تـلهج بـ محرابك


حبيبي لا تقول الآآآآه ماعاش الألـم يشقيك

.................. ابقطع له يديـــنه لو لمس بك طــارف ثيابك


حبيبي لا تقول مْـوادعك.. لوهالوفـــاة تجيك

.................. بأودِّع بـاقــي اْسنيني واضمّ فـقـبـري ترابك


حبيبي لا تمـّوت ميـِّـتــه ما عاشت الا فيك

.................. وانا لا مت فدوة وان حييت؟ و ربي/ احيابك


ياليتك يا حبيبي بسْ / تبيني مثــْـل انا مابيك

.................. بتدري ليه احس المــوت كل ما مرّني/ جابك


ولو مات الهوى اللي بك تغلغل/لاحشا مأرثيك

.................. متى حنا عرفنا لك حبيب ٍ "حيّ " واودى بك...؟!


انا والله مأرثي غير بيت ٍ ما كتبته فيــك

.................. عسى الله يغفر ذنوبه ..على انه مات باسبابك


بتبقى هالجبال الشامخة توقف لك تحيـّيـك

.................. ويبقى هالبياض اللي تباهى فيك.. يحـلى بك


بيبقى هالشعور اللي جرى في دمي يناديك

.................. وتبقى هالقصيدة تحتري .. لو يـنـقـفـل بابـك


و رغم ان النوايا بيض/ ابـَطلب ربي يجازيك

.................. وانا ادري ما يموت الحب لكن.. ماتوا احبابك






خلاص راحت عليك .. وراحت أيامك

........................ والحب راحت به الأيـــام من دونــك


يا قلب صحصح.. زمـن وآبشرّك .. ضامك

........................ إلحق جروحك قبل تستـفحل طعونك


لو ما ظلام الليالي حسّ بالآمك

........................ ما كان شفناه صابغ وجهه بـ لونك


حذرتك اْمن المسا .. واهديـته احلامك ...؟

........................ أو تحسب انـّـه سهر لك لأســود عيونك ...؟!


وقتٍ يخونك به الـرجــّـال قدّامـــك

........................ ظـنــّـك سفيهه .. إلى قــفــّيت بيصونك ...؟


اللي حكى لك .. بيحكي فيك لأقلامـــك

........................ حتى اقرب الحبْر يا مسكين بيخونــك !!


ما يكفي اْمن الحبايب جـفـّـت عظامك...

........................ للحين ترجي من الحسـِّـاد يسقونك ...؟!


الطيب ذنبك .. وعيبك طاهر اسلامك

........................ ومع كل هذا.. تبي بالخير يطرونك !!


يا قلب يكفي حراااام تقطــِّع ابهامك

........................ كل ٍ له الله .. و كـــان الله في عونك


اليوم ميــــلاد موتك.. وفــِّر اعوامك

........................ وان شاع ذِكـْرك مصير الناس ينسونك


خلاص راحت عليك .. وراحت أيامك

........................ والحب راح ورجع لي بسّ .. من دونــك



رداً على كل من يشكك في شاعرية كل قلم نسائي نزيه ...!


. ..ــــ


فـالحاضر اللي محجــِّر عقله الماضي
......................... وانا بـفِـكري تـنـقــّيت العـقـل نقوه

ناديت شِـعري ولبىّ موكبه راضي
......................... والله مأذكر حروفي خانت الهقوه
.
.
مارحت أببدا هجوم ٍ فيه مركاضي
......................... اللي بيـبــدا غباءه .. فــَ الغبا كفوه

والحاسد أول حقوقه كود يغتاظي
......................... وآنا اعطي الحق لأهله وابتغي عفوه
.
.
عبّيت راس القصايد بالحكي الفاضي...
......................... فرحان يعني عشانك للجهل قدوه ...؟

لولاي أبحشم قصيدي وارفع ألفاظي
......................... والا مثيلك مقامه " للـ ـبـ ـقـ ـر" فدوه ...!!!
.
.
من زين عرشك .. تحاول توصل أنقاضي...؟
......................... ياهووووه صار المرفــّه يدلي بدلوه ...!

ْولا جبْـت خلفي غلام ٍ شايل اغراضي
......................... وإلا آترزز لأجل ينقال : (( ذي حلوه )) ..!!
.
.
الحــمــد للـي بحِـفظه سَـلـَّم أعـراضي
......................... والمجد مبطي تمـنــّى مركزي منوه

ومادمت لانت البرئ .. ولانتب القاضي
......................... خل القصايد لأهلها .. وإقـْـصِـر العنوه



جلست البارحه والفكـْر حالف ما يجيني نوم
أبي أكتب قصيده .. بس وين ألقى اللي تشبهلك ؟

ومن باب المسا طلـّت عيونك .. حفلتين ْانجوم
وشفت مراية ٍ وسْـط السما في وسْـطها مثلك

أقول النور؟ يمكن .. بسّ فرق النور فيـك يدوم
وحللت الصَعَب من يوم حاولت أكتب ْافسهلك

توكلت ودعيت الله وكيلك دعــوة المظلوم
وخفت ادعي عليك .. وصارت الدعوة على أهلك !!

عرفتك يوم ..وعـْـشـَـقــْـتـك قبل عامين من هاليوم
واظنك همت فيني طول عمرك وانت في جهلك !!

الا من شفتني زعلانة ٍ متشــرهّه بالكوووووووم
فلا تشره عليّ .. إلا تشرّه بس على وصـلك

يموت الشيخ ما يوصل مكانك وان علا فالقوم
وباقي الناس تعلا لو توصـّل ما وطت رجلك

قصيدي حين يقعد لك.. وحين ٍ يختبص ويقوم
إلى من حسّ بقدومك.. بأقل ..شوي.. من مهلك

أحبك وان غدى حلمي قصيده ..قلت.. صحّ النوم
يـقوم الحلم عمره ما يلاقي شيّ يشبــهـلك ؟!


مدخل :-


كنت احَـسب الطير يوقــِّع له على اْطيور ٍ تشابه
........... ....... ..... .. واثر ما حولي طيور ٍ واثرني خبري عتيق ...!

.
.
.


. ..ــــ


سويتها يا مجرم الطيب واجرمت
................. ... واهديتني جرحك على الجرح جرحيـــن

لا جيتـني ليتك فقط لو تكــرمت
................. ... يا ســيــّـدي لا لا تجــيني بوجهين

لا ترمي العالم بالاحجار مادمت
................. ... ما طِـلت تسكن لا قزاز ٍ ولا طيــــن

جربت مير إن البلا ما تعلـمت
................. ... ولوين اروح إن كان دربي بلا ( وين ) !!

كل ما بنيت ْامن المبادي تهدمْت
................. ... لين امتلى بيت الشـِّعـر بالـدواوين

من زود حرصي / فالدِّسم / ما تسممت...
................. ... لكن لقيت السمّ في حــاااالي التين !!

منهو طعـنــِّي يوم انا له تبسّـمت
................. ... تكفيه نظراتي رماح ْو سكــاكين

كيف الخلايق ساوموني ولا سِمْـت
................. ... ما ردّهم قلب ٍ وْلا ردهم دِيــن

ما همني حكي الردي دامني شِـمْت
................. ... حتى ولو فيني تِصدّق ملاعيـن

في منطقي عن سيرة الناس انا صِــمت
................. ... ْولا قد تذكرت المـقـفـّين بالشين

و لا جيت ابدخل فالمجالس وسلمــّت
................. ... ردوا سلامي / واحتفوا بي شياطين

لاني على بـِـيض الخصايل تـندمت
................. ... محد ٍ تشكـّى من ثـقـيل الموازين

ْولاعْـرِف لغات ٍ لكن بْـ فن ترجمت
................. ... جل ّ احترامي في جميع المــياديـن

واليا تراجع بي زماني .../... تـقـدّمت
................. ... والله رفع شاني عن الدون والعين

اقرا على نفسي الى قمت وان نمت
................. ... واعوذ انا بالله من ( الميم ) و ( السين )

كـلـّي ذهب لا من سكت ّ أو تكلمت
................. ... جنسي وحيد و ما انخلق منـّي اثـنيـن

إشهد بفعلي قبل اقوله فأنا قمت
................. ... وإشهد بأنـّه لي على كلمتي َديـن

إخت الرجال وبينهم مـــا تـنعّـمت
................. ... كرّمــت من هو ينتخي بي وللحين

ما نعمة ٍ فيني عليــها ترحّمت
................. ... كـثـر الوفـا لا من تجمّـع مع اللين

ياويل قلبي ليتــني ما تعشمت
................. ... أو ليت عقلي ســـــــامع ٍ للمجـانـيـن

كنت اشبه الما لكن إنـّي توهـّـمت
................. ... صرت اشبه لشي ٍ ولادري على ميـن

الطيب فيني منكشف وان تلثـمـت
................. ... وآنا تعودت الـغـبـن واعْـرفه زين

بعض البشر كمْ ودهم لو تحطمت
................. ... خليــتهم في حلمهم هالمســـاكين

اما انت ياللي بالرخامه تحزمت
................. ... إفهق حزامك كــود ينفعـْـك بعدين

كم قلت لك يا سيّـــدي لو تـفهّمت
................. ... تلقى مثــيل لخسِّــتـك بالمــلايـين



2-
عامين .. واردى طبع بي .. يرفع الراس
............ عامين حتى من ظلمنــي .. نصرته

لا باس ياللي ما تـَعَـرفون لا بـــاس
............ الله وعدني بالسِّــتر لا سترتـــه

يارب سامِح من مشى يفتـن الناس
............ عبدك بيـِهلك لو رحــل ما غفرتـه

لا هو لقى في داخلي للردى ساس
............ وَ لا أنا اللي عن رخومــه حظرته

إلـيـن وسوَس للشياطـيـن وسواس
............ وانا سكت ّ .. و أدري انــّي قــهــــرته

يطرد ورى بنت أحمد بقطع الانفاس
............ هذا مع انـــِّي جالسه ..... مِـنتـظرته

ومن حِـرّ ما به قال " يكتـَب لها ْاحساس !!"
............ مايدري اني عقبها كــــم شكرته

أبدعت شِـعري مير ما شــلت هوجاس
............ كــني بألاقي جنــّـتـي لا نشــرته ؟؟

مو ذنبي انه من تراب ٍ ْو انـــا الماس
............ حاسد وانا من قبل يحسِــد عـذرته

يارب انا ما همني حكي الادناس
............ مادام قلبي بالنقــــــاوة عمرته

واللي تبجـّـح بين معشوقة وكــاس
............ ليّ الشرف كـــاني بطيبي غدرته

فالجود جيّـد ... لكــــن العِـرق دسَّاس
............ وحكي ٍ بأقوله .. في السكوت اختصرته

عامين .. واردى من حكى .. رافع الراس
............ والناصر اللي ما نصرني ... نصرته

3-