كشكول متعب المتعب

[متعب المتعب]

على درب النثر ,, المريح من القيووود الشعريه ,, وان كان شعر منثور

للأم ............. فقـــــــــــط


---------------------



من أعلى الكيبووووووورد ,,,

--------------------------------------------

صباح الخير يايمه ... صباح الخير يايمه ... صباح الخير يايمه

صباح الخير يايمه


وظهري أرض لاقدامك .. تعالي وامتطي ظهري


ابتنفس عطر رجلك


وياصغري . . وانا طهري قذر واكثر , , , إذا مالامس اقدامك

يايمه ياصباح الخير

صباح الخير يايمه

كثر مااحتاجلك طفلن

شهق باسمك ولاهمّه

كثر مابعثره جوعه

لرحمة صدرك وضمّه

يايمه للحنايا صووووت

تنادي : يمه و يمه

بدونك ياصباحاتي

طفل دمعه وصل كمه

نشف ريق السما الرحبه

واذا جيتي ضحك فمّه

أنا كلي فدا اقدامك

واحس راسي على القمّه

تبي .. وش .. أقسى .. من .. مووووووتك .. بتابووووووتك ؟؟
اذا ناديت يايمه: وجاوب صوتك المبحوح:

ياطفلي (( هااه )) ---- ياطفلي (( سم )) ---- ياعمري (( قوووول )) وترفع محجر اعيوووونك

واذا بيمه مهي يمه !!!!!!!


صباح الخير يايمه أبشرب خمرة انوارك . . من ايدينك يافل وشيح

يايمه يافنار الكووووون . . . ياتلويحة هدى للريح


ياأمي إنتي مو ((( أمي ))) !!!..؟


ثراك الجامعه والأرض ,, وحبك فرض . . ترى من يكتب ويقرا . . . . . . معك ((( أمي )))

ولو كانت شهاداته ......................بطوووووو وول وعرض


بنسمة صبح يايمه . . تناديلك:


يايمه ياصباح الخير

صباح الخير يايمه


يايمه أخمصك جنّه ,, أقبّل أخمصك وبزوووود

انا ادري من رضاك انتي :


رضا المعبوووووووود


وصباح الخير يايمه ,,,,,,,----------------------------------

إهداااء قبل ملامسة الكيبورد لأمي

وبعد ملامسته

للأمهات جميعاا الأحياء منهم

والأمواااات

\
\
\
\



الأرض فمّي . . . والعطش .. نشّف الفم=بسقي عطش أرضي دموعي . . لفمّـي

ياصاح وجه الأرض . . مخطوف من هم=خطت تجاعيد الزمن ..... وجـه همّـي

ياحـظ لـو مـره تكـرم .. وقـل تـم=والا انت ياحظي سبـب كـل . . غمّـي

ياقلب . . . تكفـا لاطلبتـك معـي قـم=عطـر الليالـي حزنهـا مـلّ شـمّـي

طفلن رضـع ثـدي الليالـي عـن الأم=حضن الليالي . . . ماكفاني عـن امـي

اللي عطاني صدرها . . أكثره سـم=للحيـن احسه في حشايه . . . يدمّـي

ماكـل وردن شغلتـه بــس ينـشـم=بعض الـورود اتعـاف حتـى مشمّـي

ياحظ باقي عنـدك اليـوم لـي غـم؟؟=هاته وانا رحـب الفضـا قـد كمّـي !!

ليت الفرح مـن تربيـة خـال أو عـم=ان كان قلت ان الفرح . . . إيـه عمّـي

ماضنتي نقدر سوى شوفة الحلم=وليت الحلوم بشوفهم بس تتمي

ياوقت تسلم والشكـر حيـل لـك جـم=ماعاد باقـي فـي حياتـي . . مهمّـي

الشر عم . . وخيرها خـص . . ماعـم=دنيـا تفـرق يالغـلا . . . ماتلـمّـي

حتى نحلت وصرت عظمـن . . بـلا دم=ياخوك انا منها ارتفع ضغـط . . دمّـي

صفو الزمـن . . لـو يستمـر يـوم ماتـم=عنـدي خبـر صفـو الزمـن . . مايتمّـي

صاح الطفل في داخلي :ليش تهتم؟=دامك على نظم القوافـي . . ملمّـي

ياقلب . . . تكفـا لاطلبتـك . . معـي قـم=خذني اندوّر يمكـن اعثـر .. علـى امـي


\
\

قال تعالى: ( ولا تقل لهما افٍ ولا تنهرهما )
وقال عليه الصلاة والسلام:
رغم انفه ثم رغم انفه ثم رغم انفه من ادرك ابويه عند الكبر احدهما او كلاهما ولم يدخلاه الجنه.
وقد أتاه رجل يسئل:
من أولى الناس بحسن صحابتي؟
قال عليه الصلاة والسلام : امك .قال : ثم من؟ قال : امك .قال ثم من؟ قال: امك. قال ثم من؟ قال ابوك. أو كما قال صلى الله عليه وسلم
ويقول الامير سعود بن بندر رحمه الله في والدته:
يا ليتني بينك وبين المضره ... من غزة الشوكه الى سكرة الموت
الى ان يقول:
أو ليتي لجرة مواطيك جـره ... أحمي قدم رجلك مثل جزمة البوت


\
\


أأأأأأأأأأأأأأمي .. لك أنتي فقط ..




يمر الوقت وانتي وسط دمي=أنا ناسيك وتشيلين همي
ألا ياغلى من الدنيا واهلها=يابعد الناس ياعمري يا أمي
أنا لولا عذاب الله واخافه=قبل لاانطق بإسمك كنت اسمّي
أجل منتي حياتي وضي عيني=وأول مانطق قلبي وفمّي
ولو بكتب وبوصف بعض حقك=يبيله عمر ثاني ولايتـمّــــــي
حلالك كل مافيني حلالك=عليّه آمري يمّه وســمّـــــــــــــي
تبين العين؟ والا دم قلبي؟=على كل ماتبين آقول تـمّـــــي
لأنك دايم اتطفين ناري=وتعطيني العسل قدام سمّـــــــــي
تنسّيني الهموم وكل علّه=وفي قربك تباعد كل غمّـــــــي
يامصدر فرحي وضحكات سنّي=يا أغلا انسان عندي والأهمّي
أنا والله من ايدك ذي لإيدك=أبيع العمر من دونك ... يادمّي
ياوجه الخير والا الخير كلّه=ألا ياورد ينذاق ويشمّــــــــــــي
غلاتك داخلي ربي وضعها=ووصّى فيك ربي يامتمّـــــــــــي
أنا بليّاك وشمعنى حياتي=أنا اشهد مالها معنى يهمّـــــــي
أبي حضنك وابي أكثر حنانك=وفي ضحكتك تشتيتي ولمّي
أضمك من ضلوعي في ضلوعي=وانام بحجرك ويازين حلمي
أقبّل راسك ويرتاح بالي=ويهل الدمع وتصيرين كمّــــــــــي
ألا ياأصل الطهاره بالبريّه=وغيرك يمدح ومرّه يذمّـــــــــــي
عليك الله وامانه يالعظيمه=ألا ياخوي , وخالي , وعمّــــــي
سلام الله على قلبك وروحك=سلامن لك من احساسي يا (( أمّي ))




7
7
7


الطفووووووووله .. على لسان ذلك اليتيم !!



رجعتني الذاكره لايام كانت ياسلام= ياسلام الله على ذيك الليالي .. والسنين
كانت احلام الطفوله فوق تصوير الكلام= وكانت اكبر هالطموحات بعيونه لعبتين
كنت طفل وكان وقتي لاعذاب ولاملام= نكتفي بحلم الثواني والفرح لو ساعتين
كنت طفل ان طبطبوا من فوق ظهره باهتمام= عند نفسي وقتها . . مالك من العز الثمين
أكبر اهمومي يجي المغرب وابي ألعب وانام= وامي تحكي لي حكايه من عصور السابقين
ولاصحيت افطر واعانق راس أمي بالسلام=وآخذ الشنطه وانا كلي فرح ... بالدارسين
كنت أبكي يوم غيري يشتري لعبه تمام= وامي تبكيني بعد والله من قل العووووين !!
كانت امنيتي مثل لعبه شروها لابتســـام= وكانت امنيتي قلم واحد ودفتر أربعيـــــن
كانت امنيتي قلم تلوين وارسملي حمام= واكتب اسمي متعب وأمسح واشخبط كلمتين
ماتت امي
ماتت امي
ماتت امي
!
!
ماتت امي وقتها ماكنت عارف هالكلام= كنت اشوف الناس تبكي والحزن في كل عين
وينها امي؟؟ جاوبوني : ماتت وشد الحزام= وبكل براءه كنت أسأل : وين راحت؟؟ وين وين؟؟
بعدها شفني كبرت .. وصارت احلامي زحام= بين تحقيق الطموح . . . وبين زفرات الحنين !!
صرت انا بالمنتدى شاعر ولي ربعن كرام= وانزرع في داخلي علم وتبعت الصالحيــــــــن
والا انا الحينه عرفت شلون إحساس اليتام= وفلسفتهم عن تعابير الحزن للمعدميــــــــــــــن
بعدها استوعبت وش معنى وفاة اغلا الأنام= لافقدت الأم يعني : حي ضمن الميتيــــــــــــن
يااااااااااااااااااااااااااااا ااه
يااااااااااااااااااااااااااااا اه
!
!
يااااه يمه يابعد كل البشر .. لا بالحرام:= إن هالدنيا ولاتسوى بعيني غير طيــــــــــــن
كيف حالي؟؟ لاتخاف!! انا على احسن مايرام= وان بغيت الصدق والله : ياعسى ربك يعيــــن !!
وفي الأثر قالو السكوت افضل من اكثار الكلام=وصلاة ربي والسلام لسيّد الخلق الأميــــــــــن

7
7
7
7


صفحتــــــــي : كوني بخير !!


!

!

!