لو قلت ماكفيت لو طال قافي

[همس انثى]

لشاعرالوطن::سعيدغالب الحارثي



بسم الله ابداها وهوخير معبود=الواحد اللي عالماً كل خافي

اللي في الشده مع العبد موجود=ولاغير وجه مالتجا يالسنافي

ومن بعد ذكره جاء لهاجوسي رعود=وشوف بارقها يسوق القوافي

واسترسلت للفكر وتزاد وتزود=وصارت شواردها عليه طوافي

وان قالها الجزله على عد مارود=هداج تيما ماعليه اختلافي

تروي عطش ضامي عن الجم محدود=في شد قيض وماشي الدرب حافي

ويبقالها بصمه ويشهد لها شهود=ومن شاف قافي قال ذا القاف وافي

وينصابها اللي يكسب المدح والجود=ونعد قالو له هل الطيب كافي

منصا الحمول الكايده حي ذا الرود=وزيزومها في اثقالها وخفافي

راسً على القالات يحسب ومعدود= ومن جاه يلقا مابغى مايعافي

والوصف في معنا الرجوله بلا حدود=لو قلت ماكفيت لو طال قافي

ومن تجربه واذكر وصيه من العود= ويتعب بكلمة رجل رايح ولافي

لكن نبذه والورق يستر العود=والسالفه لذرب ماهي لهافي

واللاش لا ناشد ولا عنه منشود=إن راح ولا جاء غطاه الحافي


::وسلامتكم يالغالين::