يا بـعـد عـمرـي ..

[حوريه]

انا اللي يابعد عمري بقول اسف ولو ما اخطيت=لأن اكبر خطى مـنـك صغير بجنب غلطاتي

ابد ماني بقايلك ترفق ليه وشسويت=قل اللي ودك بقلبك تقوله واترك سكاتي


عسى الله لا يعافيني اذا من هرجك انغثيت=سكت من الخجل والله بلايا خابر سواتي


مدامه صح كل اللي تقوله انت ما زليت=واذا زليت هالمره نسيت شكثر زلاتي

نسيت انك تنسيني الزعل كله اليا من جيت=مجرد ضحكه عيونك بنظره تجمع شتاتي


نســيت شكثر تغليني . . كم لك وانت مامليت=نسيت ان الوفا منك يذكرني خــيــاناتي


نسيت الله . . يومنك علي من الزعل غنيت=حسبت اشوقنا غابت . . وخابت فيك هقواتي


عجزت انطق ولا كلمه بلحظتها سوى ياليت=يجيلك يوم بإذن الله وتقراها مــع أبيـــاتي


هذاني جبتها شفني وازيد من الغلا لك بيت=مــدام ان القــصــايد فيــك لـــسـه في بـداياتي


احبك ايه أحبك . .ايه أحــبـك آآآه لو عـــديـــت=من الاحاد للالاف تملى كل خـــــانــاتي


حبيبي لا تحاسبني وانا ياما علـيك أخطـــيت=ترى لو مت في يدينك غفرلي صدق غاياتي

الشاعر / خلف بن مشعان